1. DEO

Sar šaj te šuna e Devle?

O Devel vaćeri amencar prekali Biblija (2. Timoteju 3:16)

Ando po nebesko presto, o Jehova usmerini e manušen te pisinen i Biblija

O Devel vaćerđa e manušenđe te pisinen olese mislija ki jekh sveto knjiga. Odija knjiga vićini pe Biblija. Ki Biblija nalazinena pe but važna buća kola o Devel mangela amen te đana.

O Devel đanela soj tano najšukar amenđe. Ov tano mudro. Odolese, ako šunaja le hem amen šaj te ova mudra (Poslovice 1:5).

I Biblija ko but ćhibja; o manuš čitini i Biblija ki pi ćhib

O Devel mangela sarine ki phuv te čitinen i Biblija. Odolese, oj tani prevedimi ko but ćhibja.

Ako mangeja te šune e Devle, tu mora te čitine i Biblija hem te haljove la.

But manuša proučinena i Biblija (Matej 28:19)

E Jehovaso svedoko čitini jekh e biblijako stiho e manušese, hem proučini i Biblija oleja

E Jehovase svedokija šaj te pomožinen tut te haljove i Biblija.

Ki celo phuv, on sikavena e manušen kotar o ćaćipe ando Devel.

Jekh sastanko ki dvorana kuri ćedena pe e Jehovase svedokija

On odova ćerena bizo pare. Tu šaj te sikljove ando Devel hem ko dvorane kuri ćedena pe e Jehovase svedokija.