Soj tano e Devleso Kraljevstvo?

1. Soj tano e Devleso Kraljevstvo?

E Devleso Kraljevstvo tano nebesko vladavina. Odova Kraljevstvo ka zamenini sa avera vladavine, hem o Devel ka koristini le te šaj te ćerel pe olesi volja sar ko nebo ađahar hem ki phuv. Odova so o Devel ka koristini po Kraljevstvo ko asavko način tani šukar vest. O kralj kas o Devel birinđa ka del e manušenđe odova so valjani lenđe hem ka ujedini sa e manušen ki phuv. Čitin Danilo 2:44 hem Matej 6:9, 10; 24:14.

Svako kraljevstvo mora te ovel le kraljo. O Jehova ćhivđa pe Ćhave, e Isuse Hriste, te ovel Kraljo ando oleso Kraljevstvo. Čitin Otkrivenje 11:15.

Dikh o kratko film Šta je Božje Kraljevstvo?

2. Sose tano o Isus najšukar Kralj?

E Devleso Ćhavo tano najšukar Kralj sose tano šukar hem pravedno (Matej 11:28-30). Isto ađahar, ov tano dovoljno moćno te pomožini e manušenđe, sose ka vladini ando nebo upri phuv. Palo oleso uskrsenje, ov đelo ko nebo hem bešlja ki e Jehovasi desno strana (Jevrejima 10:12, 13). Ked alo o vreme, o Devel dinđa le moć te vladini. Čitin Danilo 7:13, 14.

3. Ko ka vladini e Isuseja?

I grupa koja vićini pe „sveta sluge“ ka vladinen e Isuseja ko nebo (Danilo 7:27). Prva birime manuša andi akija grupa hine e Isusese verna apostolija. O Jehova hem avdije birini verna muršen hem đuvljen te oven olese sveta sluge. Ked uskrsninena hem on ovena duhovna osobe sar o Isus. Čitin Jovan 14:1-3 hem 1. Korinćanima 15:42-44.

Kobor manuša đana ko nebo? O Isus vićinđa len „tikno stado“ (Luka 12:32). Olengo broj tano 144 000 hem on ka vladinen e Isuseja upri phuv. Čitin Otkrivenje 14:1.

4. So ulo ked o Isus počminđa te vladini?

E Devleso Kraljevstvo počminđa te vladini ko 1914. berš.a Ked o Isus ulo Kralj, prvo so ćerđa hine odova so fordinđa e Satana hem olese demonen ki phuv. Odolese, o Satana but holjanđa hem počminđa te ćerel bare problemija ki celo phuv (Otkrivenje 12:7-10, 12). Kotar odova trenutko, e manušenđe tano sa popharo hem popharo. O mariba, o bokhalipa, o nabormipa hem o zemljotresija tane znak so pana hari e Devleso Kraljevstvo ka preuzmini potpuno kontrola upri celo phuv. Čitin Luka 21:7, 10, 11, 31.

5. So e Devleso Kraljevstvo ćerela već akana, a so ka ćerel ki budućnost?

Odoleja so propovedini pe ki celo phuv, e Devleso Kraljevstvo već akana ćedela baro mnoštvo ando manuša kotar sa o nacije kola tane ko jekhipe. Milionija krotka manuša ovena podanikija ando e Devleso Kraljevstvo kuri o Isus vladini sar Kralj. E Devleso Kraljevstvo ka arakhi len ked ka ovel uništimo akava lošno sveto. Odolese, sare kola mangena te ovel len blagoslovija kotar e Devleso Kraljevstvo valjani te oven poslušna e Isusese. Čitin Otkrivenje 7:9, 14, 16, 17.

Đi trajini o period ando 1 000 berš, odova Kraljevstvo ka ispunini i namera koja o Devel hine le ko početko e manušencar. Celo phuv ka ovel raj. Ko krajo, o Isus ka predajini o Kraljevstvo pe Dadese (1. Korinćanima 15:24-26). Da li penđareja nekas kase bi mangeja te vaćere ando e Devleso Kraljevstvo? Čitin Psalam 37:10, 11, 29.