Sar šaj te ovel amen bahtali porodica?

SO PHENELA I BIBLIJA

„Bahtale tane okola kola šunena e Devleso lafi hem ićerena le!“ (Luka 11:28, prevod Novi svet)

SO ODOVA TUĆE ZNAČINI

Ka ovel tut mangipe ki ti porodica (Efešanima 5:28, 29)

Ka poštujinen jekh jekhe (Efešanima 5:33)

Ka slažinen tumen šukar (Marko 10:6-9)

DA LI ŠAJ ĆAĆE TE VERUJINE KO ODOVA SO PHENELA I BIBLIJA?

Ja, ando najhari duj razlogija:

• O Devel ćerđa e porodica. Ko e Devleso Lafi pisini so „ov ćerđa... svako porodica“ (Efešanima 3:14, 15). Avere lafencar, svako porodica postojini sebepi so o Jehova ćerđa la. Sose odova tano važno te đana?

  Razmislin akalestar: Ako sviđini pe tuće disavo habe hem ako mangeja te sikljove te ćere le, kas ka puće te sikavi tut te ćere le? Naravno, e osoba koja ćerđa le.

  Isto ađahar, ako mangaja te đana so valjani amenđe te bi ovel amen bahtali porodica, valjani te puća e Jehova, kova ćerđa e porodica (Postanak 2:18-24).

• O Devel brinini pe amendar. Šukar tano ked o porodice ićerena pe ko e Jehovase savetija, kola ov dela prekalo po Lafi. Sose? Odolese so „ov brinini pe“ amendar (1. Petrova 5:6, 7). O Jehova mangela amenđe samo najšukar hem olese savetija tane uvek amare šukaripase (Poslovice 3:5, 6; Isaija 48:17, 18).