Uvod ko 3. deo

I Biblija vaćeri so palo Potop samo nekobor manuša verno služinđe e Jehovase. Jekh olendar hine o Avraham. I Biblija phenela so ov hine e Jehovaso amal. Sose o Jehova phenđa lese soj tano oleso amal? Ako isi tut ćhave, pomožin lenđe te haljon so o Jehova brinini pe olenđe hem so mangela te pomožini len. O Avraham hem avera verna manuša, sar na primer o Lot hem o Jakov, uvek rodinđe pomoć ando Jehova. Odova šaj te ćera hem amen. Šaj te ova sigurna so o Jehova ka ispunini sa so obećinđa.