Te ova istrajna

1. Amen ando Devel šunđam

but vredna ćaćipa.

Ka arakha len ko vilo

te šaj te istrajina.

Dićhola so o kraj tano

but paše anglo udar.

Ako hijam besprekorna

đivde šaj te aćhova.

2. Tu setin tut sar e Devle

vilestar zamangljan.

To mangipe ma te šudrol

ko pharipe ked hijan.

Šaj te pobedine i dar,

sa o sumnje ka cide.

Tuva ked o Devel tano

šaj sa tu te nakhave.

3. O kušnje ked tane bare

tu mislin ađahar:

„O raj sigate ka avel,

o lošnipa ka bistra.“

Pozoralo hem bahtalo,

palo kušnje ka ove.

I nagrada bari tani,

ko raj večno đivdipe.