18. LEKCIJA

Te ovel korisno averenđe

1. Korinćanima 9:19-23

SO TE ĆERE: Podstaknin e manušen te razmislinen te bi ko krajo ovela len osećaj so sikljilje diso korisno.

Razmislin odolestar so o manuša već đanena. Ma ponovin odova so već šunđe. Pomožin len te sikljon diso nevo andi odija tema.

Nakh posigate o mislija kola tane penđarutne. Ama ked vaćereja ando neve mislija, ćer odova pohari.
Istražin hem hor razmislin. Ako šaj, ked vaćereja ando glavna mislija koristin diso so nane odobor penđarutno ja diso so akana sigende ulo. Ama, pazin odova te ovel povezimo odoleja so vaćereja.

Đi spremineja o materijali, puć tut akala pućiba: so, sose, ked, kuri, ko hem sar. Disave ando akala pućiba šaj te koristine ko to govor hem palo odova te de odgovor. Ađahar odova so sikaveja ka ovel but zanimljivo.
Mothov sar odova so vaćereja šaj te koristini e manušenđe. Mothov sar e biblijake savetija šaj te pomožinen e manušenđe ko olengo životi. Vaćer ando situacije, ando stavija hem ando avera buća kola tane penđarutne e manušenđe.