11. LEKCIJA

Ov oduševimo

Rimljanima 12:11

SO TE ĆERE: Ohrabrin hem podstaknin e manušen ađahar so ka vaćere ando vilo.

Spremin to vilo. Đi spremineja o govor, razmislin kobor tano važno odova so valjani te phene. Šukar penđar odova materijali te šaj ando vilo te vaćere andi odija tema.
Razmislin e manušendar. Razmislin sar o materijali kova ka čitine ja ka objasnine ka pomožini averenđe. Isto ađahar, razmislin ko kova način šaj te objasnine odova materijali, te šaj o manuša te dikhen so odova tano korisno olenđe.
Vaćer ando vilo. Ov oduševimo đi vaćereja. Te osećanja valjani jasno te dićhon ando te gestija hem to muj.

Pazin te na ponovine uvek ista gestija sose odova šaj te smetini e manušenđe. Te gestija valjani te oven povezime odoleja so vaćereja. Ov oduševimo posebno ked naglasineja o glavna mislija hem ked podstaknineja e manušen te ćeren diso. Ama, ma preterin ko odova, sose ađahar e manušenđe ka ovel pharo te šunen tut.