Sikav pherde vileja

Ked sikaveja pherde vileja tu šaj te podstaknine e manušen te šunen tut. Isto ađahar mothoveja kobor tani vredno i šukar vest koja propovedinaja. Bizo obzir andi savi kultura avaja hem save manuša hijam, amen šaj te sikljova te sikava pherde vileja (Ri 12:11). Sar?

Sar prvo, razmislin kobor tani važno i šukar vest koja propovedinaja. Tu isi tut čast te vaćere „i šukar vest ando odova soj tano šukar!“ (Ri 10:15). Sar dujto, razmislin hor ando odova kobor o manuša šaj te ovel len pošužo đivdipe ako šunena i šukar vest. Ćaće tano važno te šunen amari poruka (Ri 10:13, 14). Ko krajo, vaćer pherde vileja, nek oven prirodna tekle gestija hem odova sar dićhola to muj.

DIKH O KRATKO VIDEO OV RADOSNO ĐI ĆEREJA UČENIKONEN – ĆER POŠUKAR TI SLUŽBA – SIKAV PHERDE VILEJA HEM PALO ODOVA ODGOVORIN KO AKALA PUĆIBA:

• 

  Sose i Nita našalđa pi volja te sikavi e Džejda pherde vileja?

• 

  So pomožinđa e Nitaće palem te sikavi pherde vileja?

• 

  Sose valjani te razmislina ando šukar osobine kotar o manuša kola šunena amen?

• Sar odova so sikavaja pherde vileja šaj te utičini upro okola kasa proučinaja hem upro avera?