55. LEKCIJA
Sar šaj te pomožine ki ti skupština?
Ko celo sveto, e Jehovase svedokija isi len but skupštine. On tane but zahvalna aso sa o pouke hem o smernice kola dobinena prekali skupština hem bahtale tane so šaj te pomožinen ki skupština ko but načinija. Da li hem tu ađahar osetineja tut?
1. Sar šaj te koristina amaro vreme hem amari snaga te pomožina ki skupština?
Sare amen šaj te pomožina ki skupština. Na primer, isi li ki ti skupština phralja hem phenja kola tane naborme ja phure? Šaj li te vozine len ko sastankija? Ja šaj li te đa te pazarine olenđe ja te pomožine len diso ko ćher? (Čitinen Jakovljeva 1:27.) Isto ađahar, sare amen šaj te čistina hem te učestvujina ked diso valjani te ćerel pe ki dvorana. Niko na ćhivela amen zorjeja te ćera odova. O mangipe premalo Jehova hem premalo amare phralja podstaknini amen te ova spremna te pomožina (Psalam 110:3).
Okola soj tane krstime šaj ko pana disave načinija te pomožinen ki skupština. O phralja kola ispuninena e biblijake uslovija šaj te služinen ki skupština sar sluge pomoćnikija, a palo odova hem sar starešine. O phralja hem o phenja šaj te služinen sar pionirija. Disave phralja hem phenja đana te gradinen amare dvorane ja đana te živinen uduri kaj tani pobari potreba.
2. Sar šaj amare materijalna buća te koristina te podupirina i skupština?
Ko Devleso Lafi pisini: „Mothov čast e Jehovase odoleja so isi tut“ (Poslovice 3:9). Bahtale hijam so sar prilog šaj te da pare ja avera buća kola isi amen hem ađahar te podupirina amari skupština hem o propovedibe ko celo sveto. (Čitinen 2. Korinćanima 9:7.) Isto ađahar, amare prilogija koristinena pe asi humanitarno pomoć. Te šaj te den o prilog, but phralja hem phenja redovno ćhivena diso ki strana. (Čitinen 1. Korinćanima 16:2.) Ked hijam ko sastankija amaro prilog šaj te ćhiva ko kutije kola tane odothe, ja šaj te da le prekali amari internet stranica donate.jw.org. Odoleja so mukhlja amen kokri te odlučina sar ka koristina amare materijalna buća, o Jehova dinđa amen prilika te mothova kobor mangaja le.
SIKLJOV POBUTER
Sar šaj te pomožine ki ti skupština?
3. Šaj te koristina amare materijalna buća
O Jehova hem o Isus mangena okolen soj tane phravde vastese. Na primer, o Isus pohvalinđa jekha udovica koja iako hine but ćorori dinđa po prilog e Jehovase. Čitinen Luka 21:1-4, hem palo odova vaćeren ando akala pućiba:
Da li o Jehova ka ovel zadovoljno samo ako daja bare prilogija?
Sar o Jehova hem o Isus osetinena pe ked daja kotar vilo?
Dikhen o VIDEO kova mothovi sar koristinena pe amare prilogija hem palo odova vaćeren ando akava pućibe:
Sar amare prilogija pomožinena e skupštinenđe ko celo sveto?
4. Sare šaj te pomožina ki dvorana
Ko purano vreme, e Jehovase sluge dinđe sa pestar te brininen pe kotar thana kaj služinđe e Devlese. On odova na ćerđe samo ađahar so dinđe pare. Čitinen 2. Letopisa 34:9-11, hem palo odova vaćeren ando akava pućibe:
Sar svako Izraelco brininđa pe kotar Jehovaso ćher?
Dikhen o VIDEO kova mothovi sar e Jehovase svedokija avdije šaj te oven sar olende hem palo odova vaćeren ando akala pućiba:
Sose tano važno amari dvorana te ovel čisto hem redovno te dikha da li diso valjani te popravini pe?
Sar šaj tu te pomožine?
5. O phralja šaj te den sa pestar te ovel len pobare odgovornostija
E Devleso Lafi podstaknini e phralen te den sa pestar te pomožinen e skupštinaće. Dikhen o VIDEO kova mothovi sar šaj o phralja te ćeren odova hem palo odova vaćeren ando akava pućibe.
So ćerđa o Rajan te šaj pana pobuter te pomožini e skupštinaće?
Ki Biblija pisini kola uslovija o phralja valjani te ispuninen te šaj te služinen sar sluge pomoćnikija hem sar starešine. Čitinen 1. Timoteju 3:1-13, hem palo odova vaćeren ando akala pućiba:
AKO NEKO PUĆELA: „Kotar tumenđe pare aso sa odova so ćerena?“
So bi tu pheneja ko odova?
SO SIKLJILJAM
O Jehova but cenini ked daja amaro vreme, amari snaga hem amare materijalna buća te pomožina amare skupštinaće.
Te ponovina
Sar šaj amaro vreme hem amari snaga te koristina te pomožina ki skupština?
Sar šaj amare materijalna buća te koristina asi skupština?
Sar šaj tu te pomožine ki skupština?
RODE POBUTER
Da li o Devel rodela ando pe sluge te den desetak?
„Da li premalo Devleso Lafi valjani te da desetak?“ (članko ko amaro sajt)
Disave buća ki skupština šaj te ćeren samo o krstime murša. Ama, so ako odola buća valjani te ćerel jekh đuvlji?
„O poglavarstvo ki skupština“ (Stražarska kula, februar 2021)
Dikh sar amare hrabra phralja legarena amare publikacije e phralenđe ko Kongo.
Kotar amenđe pare aso sa odova so ćeraja?
„Sar finansirini pe odova so ćerena e Jehovase svedokija?“ (članko ko amaro sajt)