POSETIN E OSOBA
LEKCIJA 7
Ov istrajno
Načelo: Na ćhinavđe te sikaven hem te vaćeren i šukar vest (Dela 5:42)
So o Pavle ćerđa?
1. Dikh o VIDEO ja čitin Dela apostolska 19:8-10. Palo odova, razmislin ando akala pućiba:
a. Sar o Pavle istrajinđa ko odova te pomožini okolenđe kola mothovđe zanimanje, iako disave protivinđe pe lese?
b. Kobor putija o Pavle irinđa pe te sikavi okolen kola mothovđe zanimanje hem kobor dugo ćerđa odova?
So sikljovaja ando Pavle?
2. Valjani te uložina vreme hem trud te šaj te oven amen šukar naknadna posete hem te počmina biblijake kursija.
Oponašin e Pavle
3. Ov spremno te posetine e osoba ko vreme kova olaće odgovorini. Puć tut: Ked hem kaj bi odgovorini laće te vaćera? Ov spremno te posetine la, čak hem ako odova vreme na odgovorini tuće.
4. Dogovorin tut e osobaja ked palem ka dikhen tumen. Odova tano važno te ćere ko krajo ando svako razgovor. A palo odova de sa tutar te ićere tut ko dogovor.
5. Ma našal ti nada. Ma mislin so neko nane zainteresimo samo odolese soj tano pharo te arakhe le ćhere ja tano but zauzeto (1. Kor. 13:4, 7). Trudin tut te arakhe e osoba, ama ki aver strana pazin te na đal tuće but vreme ko odova (1. Kor. 9:26).