Ov jednostavno

So o Isus ćerđa?

VIDEO: O Isus mothovđa kobor amaro Dad brinini pe amendar

1. Dikh o VIDEO ja čitin Matej 6:25-27. Palo odova, razmislin ando akala pućiba:

1. a. Sar o Isus mothovđa so o Jehova brinini pe amendar?

2. b. Iako o Isus đanđa but buća ando ćiriklja, ama ando kova jednostavno detalji vaćerđa? Sose odova hine šukar način te sikavi e manušen?

So sikljovaja ando Isus?

2. Ked sikavaja e manušen ko jednostavno način, tegani on ka setinen pe ko odova so sikavđam len hem odova ka khuvel lenđe ko vilo.

Oponašin e Isuse

3. Ma vaćer but. Umesto te vaćere sa o buća kola đaneja andi jekh tema, vaćer samo ando materijali kova tano ki publikacija koja proučinena. Palo odova so pućeja e osoba, ov strpljivo hem ađićer te odgovorini ko pućibe. Ako na đanela o odgovor ja phenela diso so nane premalo odova so sikavi i Biblija, koristin dodatna pućiba te šaj te pomožine la te haljol i tema. Ako i osoba haljilji, đa dalje.

4. Pomožin e osobaće te povezini o neve buća odoleja so već đanela. Na primer, angleder so počminena te ćeren i lekcija ando uskrsenje, šaj kratko te ponovinen so i osoba već đanela ando odova so ovela e manušencar ked merena.

5. Pazin sar koristineja o primerija. Angleder te koristine disavo primer, puć tut:

1. a. Da li odova primer tano jednostavno?

2. b. Da li i osoba kolaja proučinaja lokho ka haljol o primer?

3. c. Da li ka pamtini i pouka ando primer, a na samo o primer?