Sar šaj te koristina i knjiga Ov bahtalo zauvek! đi vodinaja o kursija?

Angleder o kurs

1. 

   1. Temeljno pripremin tut. Đi ćereja odova, razmislin ando osobake potrebe, okolnostija hem verovanja. Razmislin so bi e osobaće ovela pharo te haljol ja te primenini. Isto ađahar, razmislin sar o materijali ko deo „Rode pobuter“ šaj te pomožini e osobaće hem ov spremno te koristine le ako ka valjani tuće đi vodineja o kurs.

Đi vodineja o kurs

1. 2. Molin tut ki početka hem ko krajo ando kurs, ako i osoba složini pe odoleja.

2. 

   3. Pazin te na vaćere but. Vaćeren ando materijali kova tano dindo hem mukh e osoba te phenel so mislini.

3. 4. Angleder te počminen disavo nevo deo, čitinen koja tani i tema hem pomin nekobor naslovija ando lekcije.

4. 5. Ked završinena jekh deo ki knjiga, koristin o deo „So sikljiljam“ te pomožine e osobaće te setini pe ko buća kola sikljiljen.

5. 6. Đi proučinena svako lekcija:

   1. a. Čitinen o tekst.

   2. b. Čitinen sa o stihija kola tane označime sar „Čitinen“.

   3. c. Čitinen avera citirime stihija ako valjani.

   4. 

      d. Dikhen sa o videa kola tane označime sar „Dikhen“ (ako šaj).

   5. e. Puć e osoba svako pućibe.

   6. f. Phen e osobaće te dikhel o slike ko deo „Sikljov pobuter“ hem puć la so zapazinđa odothe.

   7. g. Koristin o okvir „Ćhiv tuće cilj“ te pomožine e osobaće te dikhel đi kaj napredujinđa. Šaj te ohrabrine la te ispunini o cilj kova tano dindo ja te ćhivel pese aver cilj ja te ćerel ko solduj ciljija.

   8. h. Puć e osoba da li disavo članko ja video ko deo „Rode pobuter“ posebno sviđinđa pe laće đi pripreminđa pe aso kurs.

   9. i. Trudin tut svako puti te nakhen po jekh lekcija.

Palo kurs

1. 

   7. Razmislin andi osoba hem ponodri. Molin tut e Jehovase te pomožini laće te napredujini hem te del tut mudrost te đane sar te pomožine la.