HRIŠĆANSKO ĐIVDIPE
Koristin i brošura hem i knjiga Ov bahtalo zauvek!
Amen hijam but bahtale so isi amen nevi brošura hem knjiga kolencar ka vodina e biblijake kursija. Molinaja amen e Jehovase te blagoslovini amaro trud te ćera pana pobuter učenikija (Mt 28:18-20; 1Ko 3:6-9). Sar ka koristina akala neve alatija?
I knjiga Ov bahtalo zauvek! – sikljov andi Biblija, ka koristina te sikava ko jekh nevo način. Odolese valjani te pratina akala uputstvija đi spreminaja amen hem vodinaja e biblijako kurs.a
Čitinen o materijali hem vaćer ando pućiba e učenikoja
Čitin o stihija kola valjanena te čitinen pe hem pomožin e učenikonese te haljol sar šaj te primenini len
Dikhen svako video hem vaćeren ando pućiba kola tane dinde odothe
Trudinen tumen te nakhen po jekh lekcija ko svako kurs
Ki služba, najangleder ponudin i brošura te dikhe da li o manuš mangela te proučini. (Dikh o okvir „Sar te ponudine i brošura Ov bahtalo zauvek! ked vaćereja prvo puti“.) Ako završinđen i brošura hem o manuš mangela te nastavini o kurs, tegani ponudin lese i knjiga hem nastavinen andi 4. lekcija. Ako nekasa već proučineja i knjiga So sikavi i Biblija ja Održi se u Božjoj ljubavi, nakh ki knjiga Ov bahtalo zauvek! hem odredin kotar ka počminen.
DIKH O VIDEO ŠUKAR ALJAN KO TOKLO BIBLIJAKO KURS HEM PALO ODOVA ODGOVORIN KO AKALA PUĆIBA:
So ka sikljol o učeniko andi nevi knjiga?
Sose valjani te mothove akava video e neve učenikonenđe?
Kola ciljija valjani hari pohari te podstaknine e učenikone te ćhivel pese hem te ispunini len? (Dikh i tabela „Tema hem ciljija aso svako deo“.)
a NAPOMENA: Iako o učeniko ne mora te čitini ili te dikhel sa o materijali kova tano ko deo „Rode pobuter“, šukar tano tu te odvojine vreme đi spremineja tut te ćere odova. Tegani, ka dikhe so šaj posebno te utičini upro učeniko hem te pomožini lese. Ko elektronsko oblik isi linkija aso svako video hem aver materijali.
TEMA HEM CILJIJA ASO SVAKO DEO |
|||
|---|---|---|---|
LEKCIJE |
TEMA |
CILJIJA |
|
01-12 |
Sar šaj e Devleso Lafi te pomožini tut hem sar šaj te upoznajine okole kastar avela odija knjiga |
Podstaknin e učeniko te čitini i Biblija, te pripremini pe aso kurs hem te počmini te avel ko sastankija |
|
13-33 |
So o Devel ćerđa amenđe hem sar šaj te ćera olesi volja |
Podstaknin e učeniko te vaćeri averenđe ando ćaćipe hem te ovel nekršteno objavitelj |
|
34-47 |
So o Devel očekujini ando okola kola služinena lese |
Podstaknin e učeniko te predajini po životi e Jehovase hem te krstini pe |
|
48-60 |
Sar šaj te aćhove ko e Devleso mangipe |
Sikav e učeniko sar te penđari soj tano šukar, a soj tano lošno hem te ovel popaše e Jehovaja |
|