Sar te koristina i brošura Šun e Devlje

I brošura Šun e Devlje tani čerdi te šaj prekalo slike te ovel polokho okoljendže kola pophare čitinena, te sikljoven o osnovna biblijake sikaviba. Svako lekcija tani ko duj strane, a o slike isiljen strelice kola mothovena oljengo redo.

I brošura Šun e Devlje hem živin večno isila ista slike, samo so isila pobuter tekst. Akija brošura šaj te koristinipe okoljenca kola džanena hari pošukar te čitinen. O objavitelj šaj te ovelje akija brošura, a okova so proučini šaj te ovelje i brošura Šun e Devlje. Ko but stranice isi okvir kaj isi pobuter informacije. Da lji ka vačeren ando odola informacije, zavisini odoljestar kobor o manuš haljola o materijali.

Akala brošure šaj te da hem ko masek ked na denape odola publikacije. Dži trajini o kurs, valjani te koristine o slike te objasnine diso soj tano pisimo ki Biblija. Koristin pučiba te šaj te dikhe da lji o manuš haljilo odova. Čitinen hem vačeren ando stihija kola tane čhivde teljeder ki svako strana. Ked ka završinen i brošura, nakhen ki knjiga Šta Biblija zaista naučava? te pomožine e manušese te džal poanglal hem te krstinipe.