HRIŠĆANSKO DŽIVDIPE
Ma bistre te moljinetu okoljendže kola tane progonime
Ki Biblija hine vačerdo so o Satana ka progoninimen hem ka mangel te čhinavi amaro vačeribe ando Devel (Jv 15:20; Pu 12:17). Sar šaj te pomožina e phraljendže kola tane ko avera phuvja progonime? Šaj te moljinamen oljendže. „I molitva ando pravedno manuš isila baro zoraljipe“ (Ja 5:16).
Ko so šaj te moljinamen? Amen šaj te moljinamen e Jehovase te del e phraljendže hem e phenjendže zoraljipe, te na oveljen dar (Is 41:10-13). Isto adžahar šaj te moljinamen o vlastija te na čeren amendže pharipe dži vačera ando Devel, „te šaj te ovelmen tiho hem mirno dživdipe“ (1Ti 2:1, 2).
Ko jekhto veko ked o Pavle hem o Petar hine progonime o phralja hem o phenja moljisalje oljendže adžahar so pomije oljenge nava (Čer 12:5; Ri 15:30, 31). Hem ako na džana sa o nava ando okola soj tane progonime, šaj te pomina andi koja phuv tane, diz ja skupština.