Sar te koristina i brošura Ko danas vrši Jehovinu volju?

I brošura Ko danas vrši Jehovinu volju? (Ko avdije čerela e Devljesi volja?) tani čerdi te proučinipe ko početko ando amaro biblijako kurs ja ko krajo.a O lekcije kotar 1-4 tane čerde te šaj o manuš kasa proučina te pendžari save manuša amen hijam. O lekcije kotar 5-14 pomožinena oljen te sikljoven so amen čera. A o lekcije kotar 15-28 mothovena so čerelape ki amari organizacija. Najšukar tano o lekcije te čerenpe redoja, ama ako o manuš isilje dajekh pučibe amen šaj odmah te dža ko odija lekcija. Svako lekcija tani ki jekh strana hem šaj te sikljolpe pandž ja deš minutija.

• 

  Dikhen o pučiba kola tane čhivde ko početko andi svako lekcija.

• Šaj te čitinen celo lekcija, ja odlomko palo odlomko

• Vačeren ando odova so čitijen. Koristin o pučiba kola tane čhivde telje hem o slike. Razmislin kola stihija ka čitinen hem vačeren oljendar. Mothov sar okova soj tano pisimo kalje slovencar dela odgovor ko pučibe kova tano ki početka andi svako lekcija.

• Ako isi okvir „Saznajte nešto više“ čitinenlje hem ohrabrin e manuše kasa proučineja te čerel odova soj tano dindo sar predlog.