Čer pošukar ti služba — sar te resa dži ko sa o manuša ko tereni

SOSE TANO ODOVA VAŽNO. O Zaharija vačerdža so o manuša kotar sa o čhibja hem kotar sa o nacije ka šunen o šukar haberi (Za 8:23). Ama, ko ka sikaviljen? (Ri 10:13-15). Amen isimen prednost hem odgovornost te vačera o šukar haberi svakone manušese ko amaro tereni (od-SB 84 ¶10-11).

SAR TE ČERE ODOVA

• Spremintu. Da lji reseja manušen kola vačerena aver čhib? Te šaj te vačere oljenca koristin i aplikacija JW Language. Isto adžahar, kotar to telefoni šaj te mothove e manušese sar te arakhi pobuter informacije ki piklji čhib, ki amari internet stranica jw.org.

• Koristin svako prilika te vačere. Ako džaja ki služba kotar čher ko čher, ma muk o manuša te nakhen uzo tute, a te na vačere oljendže o šukar haberi. Vačer hem okoljenca kola ko vorda adžičerena džikas. Ako hijan ki služba ko javna thana, nek oveltu ki godi so valjani te vačere o šukar haberi.

• Ov bučarno. De sa tutar te arakhe e manušen kola na hine čhere. Dža ko svako čher te šaj te vačere oljenca, šaj te dža ko aver vakti ko dive ja ko aver dive ko kurko. Disave manušendže šaj ka valjani te pisine ljil, te vičineljen ko telefoni, ja te vačere oljenca ki ulica.

• Dža palje. Dža sig posig ko sa o manuša kola mothodže disavo interes. Ako o manuš vačeri aver čhib, tegani arakh džikas kova vačeri oljesi čhib te šaj te pomožini oljese. Tu šaj te dža koro oljeste sa dži na avela džiko ko vačeri oljesi čhib (od-SB 94 ¶39-40).

DIKH O FILM PROPOVEDANJE „SVE DO KRAJA ZEMLJE“ HEM PALO ODOVA VAČER KOTAR AKALA PUČIBA:

• 

  Sar o phralja hem o phenja spremijepe te šaj te vačeren e manušenca kola živinena but dur oljendar? (1Ko 9:22, 23).

• 

  Save pharipa hineljen dži vačerdže o šukar haberi?

• 

  Kola berečetija hineljen palo odova?

• So valjani te čere te šaj pobuter te vačere e manušenca ko toklo tereni?