Ko sa dža palo Isusese korakija

O Isus dijamen primer so te čera ked isimen pharipa ja ked hijam progonime (1Pe 2:21-23). Ked mardželjese muj, o Isus na irija oljendže, čak ked hinelje bare pharipa (Mr 15:29-32). So pomožija e Isusese te ačhol zoralo? Ov na muklja nisose te čhinavilje te čerel e Jehovasi volja (Jv 6:38). Isto adžahar, hinelje ki godi o bahtaljipe so ka ovelje ked ka nakhel sa odola pharipa (Jev 12:2).

So tu čereja ked o manuša čerenače pharipa, sebepi so hijan ki aver vera? O čačutne hrišćanja na irinena o lošno e lošnipa (Ri 12:14, 17). Ked ko pharipa ačhova zoralje sar o Isus, tegani amen šaj te ova bahtalje sebepi so čera e Devljesi volja (Mt 5:10-12; 1Pe 4:12-14).

DIKH O FILM JEHOVINO IME JE NAJVAŽNIJE HEM PALO ODOVA ODGOVORIN KO AKALA PUČIBA:

• Sar i phen Pecinger koristija šukar o vakti ked hine ko phanljipe?

• Save pharipa hineljen o phral hem i phen Pecinger ko koncentraciona logorija?

• So pomožijaljen te ačhon zoralje?