Arakhtu kotar zamke ko društvena mreže

SOSE TANO ODOVA VAŽNO. O društvena mreže šaj te pomožinentu ja te anenče lošnipe. Disave hrišćanja na mangena te koristinen o društvena mreže. Avera hrišćanja koristinena o društvena mreže, te šaj te oven ko kontakt pe familjija hem pe amaljenca. Ama, o Beng mangela te na ova mudra dži koristina o društvena mreže hem adžahar te ladžačeramen anglo avera hem te našala amaro amaljipe e Jehova. Sar so čerdža o Isus hem amen šaj te šuna o savetija ando Devljeso Lafi te šaj te pendžara o zamke hem te cidamen oljendar (Lu 4:4, 8, 12).

ARAKHTU KOTAR AKALA ZAMKE

• Te ove but vakti ko društvena mreže. Ked hijam but satija ko društvena mreže hem ko razna internet stranice kuri o manuša čhivena klipija ja slike, tegani šaj te našala amaro vakti kova manga te da e Jehovase.

  E biblijake savetija: Ef 5:15, 16; Fi 1:10

• Te dikhe diso soj tano lošno. Ako dikheja disave provokativne slike, odova šaj te čereltu te ove zavisno andi pornografija ja te aneltu dži o nemoral. Isto adžahar, ako čitineja disave otpadnička materijalija ja oljenge komentarija ko internet sa odova šaj te peravitu duhovno.

  E biblijake savetija: Mt 5:28; Fi 4:8

• Te čhive komentarija ja slike kola nane pristojna. Sebepi soj tano amaro vilo hovavno, džiko šaj te čhivel ko društvena mreže komentarija ja slike kola nane pristojna. Ama, sa odova šaj te ladžačeri tut anglo avera ja te peravi džikas duhovno.

  E biblijake savetija: Ri 14:13; Ef 4:29

DIKH O FILM IGRAJ NA SIGURNO NA DRUŠTVENOJ MREŽI HEM PALO ODOVA RAZMISLIN SAR ŠAJ TE ARAKHETU KOTAR AKALA BUČA: