Družin tut okoljencar kola mangena e Jehova

Sose valjani te družina amen okoljencar kola mangena e Jehova? Odoljese so o društvo kova birinaja utičini upro amende šukar ja lošno (Psl 13:20). Na primer, o kralj Joas čerdža „odova soj tano ispravno ko e Jehovase jačha“ sa dži družindža pe e sveštenikoja, o Jodaj (2Le 24:2). Palo e Jodajeso meribe, o Joas odbacindža e Jehova sose družindža pe e manušencar kola na manglje e Jehova (2Le 24:17-19).

Ko prvo veko, o apostol Pavle uporedindža i hrišćansko skupština sar „jekh baro čher“, a o članija andi skupština sar „čare“. Ako mangaja te ačhova čare „asi časno upotreba“ valjani te izbegnina te ova but paše e manušencar kola čerena buča kola o Jehova na mangela. Odova uključini čak hem nekas kotar amari porodica ja i skupština (2Ti 2:20, 21). Kotar aver strana, valjani te družina amen okoljencar kola mangena e Jehova hem podstakninena amen te služina ljese.

DIKH O KRATKO FILM KLONIMO SE LOŠEG DRUŠTVA HEM PALO ODOVA ODGOVORIN KO AKALA PUČIBA:

• Ko kola načinja šaj te khuva ko lošno društvo?

• So pomožindža akalje trine hrišćanendže te ciden pe ando lošno društvo?

• Kola e biblijake načelija šaj te pomožinen tut mudro te birine to društvo?