„Razmislinen kotar akala buča“

Kola tane odola buča? Ko Filipljanima 4:8 phenela pe te razmislina ando buča kola tane čačutne, plemenita, pravedna, čista, dopadljiva, pohvalna, čestita, hem so zaslužinena pohvala. Akava na značini so o hrišćanja valjani te razmislinen samo ando duhovna buča. Ama, amare mislija valjani te ugodinen e Jehovase. Amen na valjani te razmislina ando buča kola ka čeren amendže pharo te ova ljese verna (Ps 19:14).

Nane uvek lokho te ovel amen čista mislija. Amen mora te borina amen protiv amaro grešno telo, ama hem protiv o Satana kova tano o devel akalje svetoso (2Ko 4:4). Odoljese so ov kontrolišini o svetska medije but buča ki televizija, ko radio, ko internet, ko novine, ko časopisija ja ko knjige tane rumime. Amen valjani pažljivo te birina so ka čhiva ki amari godi, odoljese so odova ka utičini ko odova sar razmislinaja hem ko odova so čeraja (Ja 1:14, 15).

DIKH O KRATKO FILM IZBEGAVAJMO ONO ŠTO NAM OTEŽAVA DA BUDEMO VERNI JEHOVI – NEPRIKLADNA ZABAVA, HEM PALO ODOVA ODGOVORIN KO AKALA PUČIBA:

• 

  So o phral dikhlja ko poklo telefoni hem sar odova utičindža upro ljeste?

• 

  Sar pomožindže ljese o stihija ando Galatima 6:7, 8 hem o Psalam 119:37?