DE TUTAR SA KI SLUŽBA | OV PORADOSNO KI SLUŽBA
O alatija aso istraživanje
O Jehova dela amen alatija te šaj vešto te sikava, sar soj tane o video-materijalija, traktatija, časopisija, brošure, knjige hem amaro glavno alati, i Biblija (2Ti 3:16). Isto ađahar, ov dela amen alatija aso istraživanje kola šaj te pomožinen amen te objasnina i Biblija. Odola tane i Stražarsko kula, i aplikacija JW Library, i Onlajn biblioteka hem o Vodič kroz publikacije.
Tu ka ove but radosno ked ka koristine sa o alatija aso istraživanje kola isi amen te bi pohor istražineja e Devleso Lafi. De sa tutar te sikave e učenikonen sar te koristinen akala alatija.
DIKH O VIDEO OV RADOSNO ĐI ĆEREJA UČENIKONEN – PRIHVATIN E JEHOVASI POMOĆ – O ALATIJA ASO ISTRAŽIVANJE HEM PALO ODOVA ODGOVORIN KO AKALA PUĆIBA:
Kova prigovor hine la i Džejd ked vaćerđa ando stvaranje?
Kaj i Nita arakhlja informacije andi odija tema?
Ked arakhaja dijekh šuži misao andi Biblija hem vaćeraja averenđe ando odova, tegani amen hijam bahtale
Sar i Nita birinđa kola informacije najšukar ka pasujinen e Džejdaće?
Sar utičinđa upri Nita odova so koristinđa o alatija aso istraživanje?