Da li koristineja o audio-izdanje andi Biblija?

Soj tano o audio-izdanje andi Biblija? I Biblija tani dostupno ko različita formatija. Jekh olendar tano o audio-izdanje ando revidirimo prevod Novi svet. Cilj tano so pobuter ćhibja te ovel len audio-izdanje andi Biblija. Šukar tano so ko but ćhibja, ako odova tano moguće, koristinena pe različita glasija aso različita uloge. O phralja hem o phenja kola dena glaso, uključinena pe emocije hem naglasinena o ispravna lafija te šaj o mislija te oven amenđe jasna.

Sar o audio-izdanje andi Biblija koristini averenđe? But đene kola redovno koristinena o audio-izdanje phenena so o događaja andi Biblija akana tane stvarna olenđe. Ked šunena o različita glasija odova pomožini lenđe te zamislinen o događaja andi Biblija hem pošukar haljona odova so pisini (Psl 4:5). But đene phenena so ked tane uznemirime, odova smirini len (Ps 94:19).

Ked neko ko glaso čitini amenđe e Devleso Lafi odova šaj but te utičini upro amende (2Le 34:19-21). Ako o audio-izdanje andi Biblija isi ki ćhib koja haljoveja, šaj li te ćere tuće plan hem redovno te šune odola snimkija?

DIKH O VIDEO SAR SNIMINĐAM I BIBLIJA – INSERT HEM PALO ODOVA ODGOVORIN KO AKAVA PUĆIBE:

So tuće najviše sviđinđa pe ando odova sar sniminđa pe i Biblija?