So šaj te pomožini amen te čitina i Biblija svako dive?

Svako dive isi amen but bare obaveze. Odolese šaj te ovel amenđe pharo te resa te čitina i Biblija svako dive (Is. Nav. 1:8). Ako tano ađahar, trudin tut te primenine jekh ando akala predlogija.

• Ćer tuće podsetnik. Ćhiv tuće alarm ko telefoni te podsetini tut so valjani te čitine i Biblija.

• Ćhiv i Biblija ko than kaj šaj te dikhe la. Ako čitineja i Biblija ko štampimo oblik, tegani ćhiv la negde kaj šaj lokho te dikhe la svako dive (Pon. zak. 11:18).

• Šun o audio-snimkija. Ko disave ćhibja i Biblija tani dostupno ko audio izdanje. Odolese, đi završineja te obaveze šaj te šune o audio-snimkija. Amari phen i Tara, jekh pionirka koja isi la ćhave hem ćerela buti raćate, phenela: „Odolese so šunava o audio-snimkija đi ćerava mi buti ko ćher, me šaj redovno te čitinav i Biblija.“

• Ma odustajin. Ako diso ovela hem na reseja te čitine, trudin tut te čitine barem nekobor stihija angleder te đa ko sojbe. Čak hem odova hari so ka čitine šaj but te pomožini tuće (1. Petr. 2:2).