Proučin hem vaćer averenđe odova so sikljiljan

Ked proučinaja i Biblija, amen osetinaja amen but šukar. Ama, osetinaja amen pana pošukar ked vaćeraja averenđe ando odova so proučinđam. Ko Poslovice 11:25 pisini: „Svako manuš so spremno dela averenđe te pijen pani hem olese ka ovel dindo te pijel pani.“

Ked vaćeraja averencar ando odova so sikljiljam, amen šaj pošukar te haljova odova hem polokho te pamtina. Isto ađahar, tegani hijam bahtale odolese so odova šaj te pomožini lenđe (Dela 20:35).

Probin akava: Aver kurko, rode prilika te vaćere nekase odova so sikljiljan. Šaj te phene nekase andi ti porodica, andi skupština, disave kolegase, amalese ki škola, komšijase ja nekase ki služba. Probin odova te vaćere te lafencar, ko jekh jednostavno hem jasno način.

Ma bistri: Vaćer averenđe odova so sikljiljan te šaj te ohrabrine len, a na te oduševine len (1. Kor. 8:1).