Da li ka ovel amenđe pošukar ko 2023. berš – so phenela i Biblija?

Ko početko ando nevo berš, sare amen nadinaja amen so ka ovel amenđe pošukar. Sose šaj te verujina so ađićeri amen pošukar budućnost?

I Biblija dela nada

I Biblija vaćeri so o problemija kola akana isi amen pana hari više na ka oven. U stvari, „sa so hine pisimo angleder, pisimo tano te sikavi amen hem te del amen snaga te istrajina, te bi ovel amen nada“ (Rimljanima 15:4).

• Ako mangeja te đane pobuter ando biblijake obećanja, čitin o članko „Prava nada u bolje sutra“.

I nada koja dela amen i Biblija već avdije šaj te pomožini tut

E biblijaki nada tani sar jekh „sidro andi duša“ (Jevrejima 6:19). Odija nada pomožini amen te aćhova stabilna hem te istrajina iako isi amen problemija. Isto ađahar, pomožini amen te aćhova pozitivna hem te ova ćaće bahtale. Na primer:

• Dikh sar i Biblija pomožinđa jekhe manušese kova angleder but pilja. Dikh o video Mo životi alo maje đi o nakh.

• Dikh sar e biblijake obećanja šaj te pomožinen amen ked merela amendar neko kas mangljam. Dikh o video Uteha za ožalošćene.

Zorjaćer ti nada

But manuša nadinena pe so ka ovel pošukar, ama on nane sigurna so odova ćaće ka ovel. Ama, amen šaj te ova sigurna so e biblijake obećanja ka ispuninen pe. Sose? Sose e biblijake obećanja avena ando Jehovaa, „kova našti te hovavi“ (Titu 1:2). Jedino o Jehova isi le moć te ispunini sa pe obećanja, sose ov šaj te ćerel „sa so mangela“ (Psalam 135:5, 6).

Vićinaja tut te sikljove diso pobuter kotar nada andi koja i Biblija vaćeri. Ako pažljivo istražineja e Devleso Lafi, ka ovel tut pana pobaro poverenje ko odova so pisini ano leste (Dela apostolska 17:11). Besplatno proučin i Biblija hem sikljov savi budućnost ađićeri amen. Nek akava berš počmini tuće ađahar so ka ove pozitivno!