2. LEKCIJA
E Devleso Lafi dela amen nada
O manuša ko celo sveto isi len problemija kola ćerena len te oven tužna, te brininen pe ja čak te ovel len dukha. Da li nekad osetinđan tut ađahar? Šaj hijan nabormo ja našalđan nekas kas mangljan. Odolese, šaj pućeja tut: „Da li o životi ka ovel pošukar?“ E Devleso Lafi dela amen odgovor kova utešini amen.
1. Koja nada dela amen e Devleso Lafi?
E Devleso Lafi na vaćeri samo odolestar sose ko sveto isi odobor problemija, već vaćeri hem andi jekh šukar vest. Odothe pisini so amare problemija na ka trajinen zauvek nego so pana hari ka oven rešime. Odova so pisini ko e Devleso Lafi dela amen „šuži nada asi budućnost.“ (Čitinen Jeremija 29:11, 12.) Odija nada pomožini amen te ikljova ko krajo amare problemencar hem zauvek te ova bahtale.
2. Savo životi ka ovel amen?
Ko e Devleso Lafi pisini so pana hari „više na ka ovel meribe, ni muke, ni rojbe, ni dukha.“ (Čitinen Otkrivenje 21:4.) O problemija kola avdije dićhona so našti te rešinen pe sar soj tane o ćororipe, i nepravda, o nabormipe hem o meribe, pana hari više na ka oven. E Devleso Lafi phenela so o manuša ka živinen zauvek ko raj ki phuv.
3. Sar šaj te ova sigurna so ka ispunini pe odova sostar vaćeri e Devleso Lafi?
But manuša nadinena pe so ka ovel pošukar, ama nane sigurna da li ka ovel ađahar. Ama, odova sostar e Devleso Lafi vaćeri ćaće ka ovel. Tu šaj te uverine tut ko odova ako „pažljivo istražineja“ e Devleso Lafi (Dela apostolska 17:11). Ked ka proučine, ka dikhe da li šaj te verujine ko odova so e Devleso Lafi vaćeri andi budućnost.
SIKLJOV POBUTER
Dikh so e Devleso Lafi vaćeri ando odova savo životi ka ovel amen hem sar šaj odova te pomožini amen avdije.
4. E Devleso Lafi mothovi so ka živina večno bizo problemija
Dikh disave obećanja ando e Devleso Lafi kola tane pisime tele. Kola obećanja najviše sviđinena pe tuće hem sose?
Čitinen o stihija kola tane dinde uzo akala obećanja hem palo odova vaćeren ando akala pućiba:
Da li akala stihija uverinena tut so ka ovel pošukar? Da li šaj te utešinen te porodica ja te amalen?
Zamislin so živineja ko sveto ko kova:
NIKO. . . |
SARE. . . |
|---|---|
|
|
|
|
|
|
|
|
|
|
5. Odova so pisini ko e Devleso Lafi šaj te utičini ko amaro životi
But manuša tane obeshrabrime ja čak holjame sebepi o problemija kola isi len. Disave dena sa pestar te menjinen o buća ko pošukar. Dikh sar o obećanja kola tane dinde ko e Devleso Lafi pomožinena e manušenđe avdije. Dikhen o VIDEO, hem palo odova vaćeren ando akala pućiba:
Kova pharipe hine la i Rafika?
Iako odova problemi pana na rešinđa pe, sar e Devleso Lafi pomožinđa laće?
I nada andi koja vaćeri e Devleso Lafi pomožini amen te na našala amari snaga hem te ikljova ko krajo amare problemencar. Čitinen Poslovice 17:22 hem Rimljanima 12:12, hem palo odova vaćeren ando akala pućiba:
So mislineja, da li i nada andi koja vaćeri e Devleso Lafi šaj te menjini hem to životi akana? Sose mislineja ađahar?
AKO NEKO PHENELA: „Odova so e Devleso Lafi vaćeri andi budućnost tano samo jekh suno.“
So mislineja, sose tano važno te uverine tut so odola obećanja ka ispuninen pe?
SO SIKLJILJAM
E Devleso Lafi vaćeri amenđe so ka ovel amen pošukar budućnost hem pomožini amen te ikljova ko krajo amare problemencar.
Te ponovina
Sose o manuša valjani te đanen odova so pisini ko e Devleso Lafi?
So e Devleso Lafi vaćeri andi budućnost?
Sar i nada andi koja vaćeri e Devleso Lafi pomožini amen već avdije?
RODE POBUTER
Dikh sar i nada andi koja vaćeri e Devleso Lafi šaj te zorjaćeri amen ked isi amen problemija.
„Nada – kaj šaj te arakha la?“ (Probudite se!, 22. april 2004)
Čitin sar i nada so ađićeri amen diso pošukar šaj te pomožini okolenđe kola tane dugo naborme.
„Da li e Devleso Lafi šaj te pomožini tuće ako hijan dugo nabormo?“ (članko ko amaro sajt)
Đi dikheja akava muzičko spot, zamislin tut hem te porodica sar uživinena ko raj ki phuv.
Čitin o iskustvo ando jekh manuš kaso životi menjinđa pe palo odova so sikljilo so e Devleso Lafi vaćeri andi budućnost.
„Više na trudinava man te menjinav o sveto“ (Stražarska kula, 1. jul 2013)