Da li ađićeri amen diso pošukar ko 2024. berš – so phenela i Biblija?

But đene mislinena so nane rešenje aso problemija kola ađićerena amen ko 2024. berš. Ama, kaj šaj te arakha nada?

E Devleso Lafi dela amen nada

E Devleso Lafi mothovi so o Devel ka cidel sa o problemija sebepi kola avdije našalaja amari nada. Pana hari, o Devel „ka kosel svako asvi kotar [amare] jaćha hem na ka ovel više meribe, ni muke, ni rojbe, ni dukha“ (Otkrivenje 21:4).

• Ako mangeja te đane pobuter so o Devel mangela te ćerel e manušenđe, čitin o članko „Prava nada u bolje sutra.“

Sar šaj e Devleso Lafi akana te pomožini tut?

E Devleso Lafi mothovi so ađićeri amen pošukar budućnost. Odija nada šaj te pomožini amenđe ked ko amaro životi tano sa kalo (Rimljanima 15:13). Isto ađahar, e biblijake savetija već akana šaj te pomožinen amenđe te ikljova ko krajo amare problemencar, sar soj tane: o ćororipe, i nepravda hem o nabormipa.

• Dikh sar e biblijaki nada pomožinđa jekhe manušese te ovel le mir hem bahtalipe iako hine ćororo. Dikh o video Huan Pablo Zermenjo: Jehova mi je dao smisaon život.

• Dikh sar e Devleso Lafi šaj te pomožini tut ked isi tut o osećaj andi krivica, ked hijan tužno, zabrinuto ja ked merela tutar neko kas mangljan. Čitin o članko „Mogu li pronaći utehu u Svetom pismu?“

• Dikh sar jekh romni koja hine vojniko hem dikhlja sa kalo ko po životi, arakhlja nada. Dikh o video Odložila sam oružje.

Sikljov sar šaj i Biblija te pomožini tuće hem te porodicaće te ovel tumen pošukar životi. Vićinaja tut besplatno te proučine i Biblija. Sikljov sar šaj o Devel već akana te del tut mir, a ki budućnost pošukar životi (Jeremija 29:11).