Ekonomska problemija – so ka ćerel e Devleso Kraljevstvo?

Ko celo sveto, bute manušenđe tano pharo ando masek ko masek te ikljon ko krajo e parencar. Sar đala o vreme, odova tano sa popharo.

• Premalo jekh izveštaj,a e parencar kola zaradinena, „o manuša našti više te ćinen o buća sar angleder so ćinđe.“ Odova izveštaj upozorini amen so ako ništa na menini pe, „pana hari ka ovel but bari razlika maškaro ćorore hem barvale hem but porodice više na ka živinen sar akana.“

Ama, šaj li o vlastija te rešinen o ekonomska problemija ja te ćeren diso te šaj te živina pošukar?

I Biblija phenela so isi jekh vlast koja šaj te rešini o ekonomska problemija. Oj phenela so „o nebesko Devel ka vazdel o Kraljevstvo“ kova ka rešini sa o problemija ki phuv (Danilo 2:44). Ked odova Kraljevstvo ka vladini, nijekh manuš na ka ovel bisterdo ja aćhavdo (Psalam 9:18). Tegani, svako manuš ka ovel le sa so valjani lese te šaj te ovel bahtalo. Sare ka uživinen ko odova so ka ćeren pe vastencar (Isaija 65:21, 22).