O problemija ki phuv – so ka ćerel e Devleso Kraljevstvo?

„Sebepi o klimatska promene isi but problemija ki phuv. O manuša aćhona bizo pe ćhera hem bizo osnovna buća aso životi sebepi so ovena sa pozorale oluje. O pani ko okeanija ovela sa potato hem odolese but vrste ando životinje ko more merena“ (Inger Andersen, podsekretari ando Ujedinjena nacije hem o izvršno direktori ando UN asi životno sredina, 25. jul 2023).

Da li o vlastija ka rešinen odola problemija? Šaj li on te arakhen disavo trajno rešenje?

I Biblija vaćeri andi jekh vlast koja šaj hem koja ka rešini sa o problemija ki phuv. Ko Devleso Lafi pisini so „o nebesko Devel ka vazdel o kraljevstvo“ kova ka rešini sa amare problemija (Danilo 2:44). Ked ka vladini odova Kraljevstvo, o manuša više na ka ćeren nisavo lošnipe jekh jekhese (Isaija 11:9).