But brige ko 2023. berš – so phenela i Biblija?

Ko 2023. berš, ko celo sveto ulje but buća kola mothovena so živinaja „ko poslednja dive“ (2. Timoteju 3:1). I Biblija mothovi so sa odola događaija ka oven ko amaro vreme.

I Biblija hem o buća kola ovena ko sveto

„Mariba hem vestija ando mariba“ (Matej 24:6).

• „Ko but thana ko sveto isi mariba.“a

„Zemljotresija ko razna thana“ (Marko 13:8).

• „Ko 2023. berš, hine 13 zemljotresija kola hine pozorale ando 7 stepenija premali Rihteresi skala. Odova tano najbaro broj ando zemljotresija sar počminđe te arakhen pe o izveštaija.“b

„Odova so ka dikhen o manuša ka daravi len“ (Luka 21:11).

• „Đi akana živinđam ko vreme ked hine but tatipe, a ando akana ka živina ko vreme ked ka ovel baro ćeravdipe“ (Antonio Guteres, o generalno sekretari ando Ujedinjena nacije).c

„Bokhalipa“ (Matej 24:7).

• „Ko 2023. berš, butenđe hine pharo te parvaren pe porodica.“d

„Ka ovel but pharo vreme“ (2. Timoteju 3:1).

• „Ko celo sveto jekh ando ofto manuša isi le psihička problemija.“e

So ađićeri amen ko 2024. berš?

Nijekh manuš na đanela tačno so ka ovel ko 2024. berš. Ama, okova so desini pe ko sveto mothovi so pana hari jekh nebesko vladavina, e Devleso Kraljevstvo, ka cidel sa o manušikane vlastija hem sa o buća kola anena amenđe brige hem patnja (Danilo 2:44; Otkrivenje 21:4).

Đi odova vreme na avela, uvek šaj te roda pomoć ando Devel ked brininaja amen. Ki Biblija pisini:

„Ked ukljela man i dar, me uzdajinava man upro tute“ (Psalam 56:3).

Sar šaj te mothova so isi amen poverenje ko Devel? Vićinaja tut te sikljove diso pobuter ando sveto kuri niko na ka patini. Besplatno proučin i Biblija hem dikh sar šaj e biblijake obećanja te koristinen tuće hem te porodicaće.