Baro tatipe ko nilaj 2023. berš – So i Biblija phenela?

Niked angleder na hine odobor baro tatipe sar akava berš. Sebepi odova ovena but katastrofe ko sveto. Aće disave izveštaija:

• „Ko palune 174 berš, odked o manuša merinena i temperatura ko celo sveto, akava hine najtato jun“ (Nacionalna okeanska i atmosferska služba, Ministarstvo trgovine Sjedinjenih Država, 13. jul 2023).

• „Ki Italija, Španija, Nemačka hem ki Poljska, o temperature resena đi o 48°C, a ki Sicilija hem ki Sardinija tane najbare temperature ki celo Evropa“ (Evropska svemirska agencija, 13. jul 2023).

• „Sebepi so ki phuv tano sa potato, ovena sa pobare hem počesta oluje sebepi kola ovena poplave“ (Stefan Ulenbruk, direktor za hidrologiju, vodu i kriosferu u Svetskoj meteorološkoj organizaciji, 17. jul 2023).

Da li hijan zabrinimo ked šuneja asavke izveštaija? Dikh so i Biblija vaćeri akalestar.

Da li e biblijake proročanstvija vaćerena ando akala vremenska uslovija?

Ja. Ki Biblija vaćeri pe so ko amaro vreme ka oven asavke vremenska uslovija. Na primer, o Isus phenđa so „odova so ka dikhen o manuša ka daravi len“ (Luka 21:11). But manuša darana so na ka ovel moguće te živini pe ki phuv.

Da li i phuv ka ovel uništimi?

Na. O Devel ćerđa i phuv te šaj o manuša te živinen ano late. Odolese ov na ka mukhel o manuša te uništinen i phuv (Psalam 115:16; Propovednik 1:4). Ov čak phenđa so ka oven uništime „okola so uništinena i phuv“ (Otkrivenje 11:18).

I Biblija mothovi so o Devel šaj te zaštitini i phuv ando prirodna katastrofe.

• „[O Devel] smirini i oluja hem o morska talasija smirinena pe“ (Psalam 107:29). O Devel isi le moć te kontrolišini o prirodna sile. Ov ka rešini sa o problemija ki phuv sebepi kola ovena o vremenska nepogode.

• „Tu brinineja tut e phuvjaće, ćerđan la te bijani but hem te ovel barvali“ (Psalam 65:9). Pana hari, o Devel ka ćerel i phuv te ovel raj.

Ako mangeja te đane pobuter ando odova so ka ovel e phuvjaja, čitin o članko „Ko će spasti našu planetu?“