Da li amari phuv ka ovel uništimi – so phenela i Biblija?

„Živinaja ko vreme ked i klima but menjini pe hem pana pobuter ka menjini pe. Ko bare dizja ka oven bare poplave. Ko but phuvja, o temperature ka oven but bare, ka oven bare oluje hem na ka ovel dovoljno pani. Milionija vrste ando biljke hem životinje kola tane ki phuv, više na ka oven. Akava nane samo jekh paramiz, već ćaće ka ovel. Hem sar so o naučnikija phenena, ako o vlastija diso na ćerena, sa odova ađićeri amen“, phenela o Antonio Gutereš, o generalno sekretari ando Ujedinjena nacije, aso izveštaj ando Međuvladin panel ando klimatska promene ando 4. april 2022. berš.

„O naučnikija upozorinena so ko berša so ka aven sebepi so o temperature barjona, isi opasnost so skoro sa o 423 nacionalna parkija ki Amerika ka oven uništime. Sa odola lošna buća kola šaj te oven setinćerena amen ko katastrofe ando kola čitinđam ki Biblija: i jag hem o poplave, o ledo topini pe, uštela o nivo ando pani hem o temperature barjona“ (The New York Times ando 15. jun 2022. berš, o članko „O poplave ko Jeloustoun – znak ando but pološna buća kola ka oven“).

Da li o uslovija ki phuv iked ka oven pošukar? Ako ja, ko šaj te ćerel odova? Dikhen so i Biblija vaćeri odolestar.

O lošna uslovija kola isi ki phuv tane proreknime

I Biblija phenela so o Devel ka uništini okolen „so uništinena i phuv“ (Otkrivenje 11:18). Ando akava stih šaj te sikljova trin buća:

1. 1. Odoleja so ćerena o manuša uništinena i phuv.

2. 2. O manuša našti zauvek te uništinen i phuv.

3. 3. O Devel ka ćerel te oven pošukar uslovija ki phuv, a na o manuša.

Amari phuv tani ko sigurna vasta

Ki Biblija pisini so „i phuv aćhola zauvek“ (Propovednik 1:4). O manuša zauvek ka živinen upro late.

• „O pravednikija ka nasledinen i phuv, hem zauvek ka živinen upro late“ (Psalam 37:29).

Amari phuv potpuno ka ovel obnovimi.

• „Ka radujini pe i pustinja hem i šuki phuv, ka radujini pe i phuv koja tani pusto hem ka cvetoni sar o šafran“ (Isaija 35:1).