Kase šaj te verujine? – So phenela i Biblija?

O manuša razočarinena pe sebepi so irinena lenđe po dumo okola kola valjani te pomožinen len. Odolese o manuša nane len više poverenje...

• ko politička vođe kola dikhena samo pi korist.

• ko vestija sose na vaćerena tačna informacije.

• ko naučnikija sose na ćerena okova soj tano najšukar e manušenđe.

• ko verska vođe kola podržinena i politika umesto te ćeren odova so o Devel mangela.

O manuša isi len pravo so pazinena upro kaste ka ovel len poverenje. I Biblija upozorini amen:

• „Ma uzdajinen tumen upro moćna manuša, niti ko bilo kova manuš, sose ov našti te anel tumenđe o spasenje“ (Psalam 146:3).

Vladari kase šaj te verujine

 I Biblija mothovi so šaj te verujina upro Isus Hrist. Ov na hine samo jekh šukar manuš kova živinđa but vreme angleder. O Devel ćhivđa e Isuse te „vladini sar Kralj [...] hem olesi vlast niked na ka ćhinavđol“ (Luka 1:32, 33). O Isus tano Kralj ando Devleso Kraljevstvo, i vladavina koja tani ko nebo (Matej 6:10).

• Ako mangeja te đane sose šaj te verujine e Isusese, čitin o člankija „Koj tano o Kralj ando Devleso Kraljevstvo?“ hem „So e Devleso Kraljevstvo ka ćerel?“