O manuša našalena poverenje ko političarija – so phenela i Biblija?

Očekujinaja so ko 2024. berš, ko but phuvja ka oven pobuter izborija nego iked angleder. Ama, o manuša našalena po poverenje upro političarija.

• Premalo jekh istraživanje, but Amerikancija phenena so but političarija na dikhena sar te pomožinen e manušenđe, već dikhena pi korist (O istraživačko centar Pju, 19. septembar 2023)a.

Isto ađahar, but terne nane len poverenje ko političarija.

• „But terne dikhena te arakhen rešenje aso disave ozbiljna problemija, ama on isto mislinena so o političarija na trudinena pe te arakhen rešenje“ (The New York Times, 29. januar 2024).

• „O terne isi len pobaro poverenje ko manuša ando YouTube, nego ko političarija“ (The Korea Times, 22 januar 2024).

Šaj li te verujina so o političarija ka anen amenđe pošukar budućnost? Kase šaj te verujina?

Pazin kase verujineja

Šukar tano ked o manuša pazinena kase verujinena. I Biblija phenela so „o neiskusno manuš verujini ko sa, ama o gođalo manuš šukar razmislini ando sa so ćerela“ (Poslovice 14:15).

• Te šaj te đane kola informacije tane tačna, a kola na, dikh o članko „Zaštitite se od dezinformacija“.

Čak o političarija kola tane iskrena hem kola ćaće mangena te pomožinen e manušenđe, našti te ćeren sa so mangena. Odolese, i Biblija phenela:

• „Ma uzdajinen tumen upro knezija, niti ko bilo kova manuš, sose ov našti te anel tumenđe o spasenje“ (Psalam 146:3).

Jekh vladari kase šaj te verujine

I Biblija phenela so o Devel ćhivđa e Isuse Hriste te ovel vladari. Ov tano najšukar hem najsposobno vladari (Luka 1:32, 33). O Isus tano Kralj ando Devleso Kraljevstvo, i vladavina koja tani ko nebo (Matej 6:10).

• Dikh sose šaj te verujine e Isusese hem so ka ćerel ov te bi rešini sa amare problemija. Čitin o člankija „Koj tano o Kralj ando Devleso Kraljevstvo?“ hem „So e Devleso Kraljevstvo ka ćerel?“