Da li isi disavi stabilno vladavina – so phenela i Biblija?

Ko but phuvja, čak iako dićhola so isi len stabilno vlast, ovena but bare promene sebepi o politička skandalija, izborija, politička podele hem građanska nemirija.

I Biblija pomini jekh vladavina koja tani stabilno. Verovatno šunđan asi odija vladavina, odolese so o Isus Hrist pominđa la ki jekh penđardi molitva.

• „Molinen tumen ađahar: ’Amaro Dad, kova hijan ko nebo, nek svetini pe to anav. Nek avel to Kraljevstvo. Nek ovel ti volja, sar ko nebo, ađahar hem ki phuv‘“ (Matej 6:9, 10).

So i Biblija phenela ando odova Kraljevstvo?

E Devleso Kraljevstvo – jekh stabilno vladavina

Odova Kraljevstvo ka vladini ando nebo.

• O Isus phenđa soj tano odova „nebesko Kraljevstvo“ (Matej 4:17; 5:3, 10, 19, 20) Sebepi odova, ov phenđa: „Mo Kraljevstvo nane deo kotar akava sveto“ (Jovan 18:36).

Odova Kraljevstvo ka vladini umesto sa o manušikane vlastija.

• Ki Biblija pisini: „Odova kraljevstvo [...] ka phagel hem ka uništini sa [o manušikane] kraljevstvija, a samo ov ka aćhol večno“ (Danilo 2:44).

Odova Kraljevstvo kuri o Isus Hrist vladini sar Kralj, niked na ka ovel uništimo.

• Ki Biblija pisini: „Olesi vlast tani večno hem niked na ka nakhel, a oleso kraljevstvo niked na ka ovel uništimo“ (Danilo 7:13, 14).

Odova Kraljevstvo ka anel mir ki phuv hem više niko na ka živini ki dar.

• Ki Biblija pisini: „Svako ka živini ko mir tali pi drakh hem tali pi smokva hem niko na ka daravi len“ (Mihej 4:4), Good News Translation).

Sikljov pobuter ando odova Kraljevstvo

Ked o Isus hine ki phuv, ov odvojinđa vreme te propovedini „i šukar vest ando Kraljevstvo“ (Matej 9:35). Isto ađahar, ov phenđa:

• „Akija šukar vest ando Kraljevstvo ka propovedini pe ko celo sveto sar svedočanstvo sa e narodonđe, hem tegani ka avel o kraj“ (Matej 24:14).

Avdije, i šukar vest ando Kraljevstvo propovedini pe ko pobuter ando 240 phuvja. Vićinaja tut te sikljove pobuter andi odija vladavina hem te dikhe so ka ćerel e manušenđe.

Dikh o video Soj tano e Devleso Kraljevstvo?