Sar šaj te ove bahtalo ko akava pharo vreme – so phenela i Biblija?

Ko akava pharo vreme, but putija nane amen kontrola upro buća kola desinena pe ko amaro životi. Ama, amaro bahtalipe pobuter zavisini ando amaro stav nego ando amare okolnostija. I Biblija mothovi so okola soj tane bahtale ko vilo, uživinena ko životi iako isi len pharipa (Poslovice 15:15). So šaj te ćere te bi oveja pana pobuter bahtalo? Dikh sar e biblijake savetija šaj te pomožinen tuće.

So te ćere ked isi tut but brige?

Ki Biblija pisini: „Andi briga e manušese ovela pharo ko vilo, a o šužo lafi ćerela le radosno“ (Poslovice 12:25).

• I Biblija šaj te pomožini tuće te na brinine tut but. Ako mangeja te đane sar, čitin o članko „Brige.“

Sar šaj te pobedine i usamljenost?

Ki Biblija pisini: „O šukar amal uvek mothovi mangipe, hem ko phare dive phral ovela“ (Poslovice 17:17).

• Ki Biblija isi savetija kola šaj te pomožinen tuće te pobedine i usamljenost ađahar so ka zorjaćere to amalipe averencar. Čitin o članko „O amalipe tano iljači asi usamljenost – so i Biblija phenela odolestar?“

Mothov mangipe premalo Devel hem premalo te pašutne

Ki Biblija pisini: „Mang e Jehova, te Devle, celone vileja, celona dušaja hem celona gođaja. [...] Mang te pašutne sar kokri tut“a (Matej 22:37-39).

• I molitva šaj te pomožini amenđe te ova pana popaše e Devleja. Ako mangeja te đane pobuter, čitin o članko „Da li Bog čuje naše molitve?“

• Amen mothovaja mangipe premalo avera ked ponašinaja amen olencar ađahar sar so o Isus phenđa. Sikljov pobuter ko članko „Šta je zlatno pravilo?“

Sose na bi sikljoveja pobuter ando odova sar šaj i Biblija te pomožini tuće te ove bahtalo ko akava pharo vreme? Vićinaja tut besplatno te proučine i Biblija.