O amalipe tano iljači asi usamljenost – so i Biblija phenela odolestar?

Ko 2023. berš i usamljenost ulji but baro problemi aso amaro sastipe. Isi li disavo rešenje?

• „Ked osetinaja amen usamljeno hem ked cidaja amen ando avera manuša, odova šaj ozbiljno te utičini upro amaro sastipe“, phenela i dr Vivek Murti, američko sekretari aso zdravstvo. Oj pana phenela: „Isi diso so šaj te ćera.“ So? „Svako dive šaj te ćera disave tikne buća kola ka zorjaćeren amaro amalipe avere manušencar.“a

Na hijam usamljena samo ked niko nane odothe. Podijekh puti, šaj te ova usamljena iako hijam maškaro manuša. Ama, kova god razlog te ovel, i Biblija šaj te pomožini amen. Ko Devleso Lafi isi savetija kola šaj te pomožinen amen te zorjaćera amaro amalipe e manušencar hem te borina amen protiv i usamljenost.

E biblijake savetija kola šaj te pomožinen amen

Phravdo vaćer averencar ando te osećanja hem ked neko mothovi tuće pe osećanja, pažljivo šun. Ked mothoveja so ćaće brinineja tut nekastar, tumaro amalipe ka ovel pana pozoralo.

• E biblijako savet: „Ma dikhen samo tumari korist, nego hem averengi korist“ (Filipljanima 2:4).

Phrav to vilo. Ov amal e manušencar kola tane pophureder ja potikneder tutar, ja kola avena ando aver narodo ja andi aver phuv.

• E biblijako savet: „Valjani te ovel tumen pana pobuter mangipe premalo“ avera (2. Korinćanima 6:13).

Ako mangeja te đane pobuter sar šaj te zorjaćere to amalipe averencar, čitin o članko „Zadovoljiti potrebu za prijateljstvom.“