I usamljenost tani sa pobaro problemi – so phenela i Biblija?

Premalo jekh istraživanjea kova akana sigende hine ćerdo ko različita thana, jekh ando štar osobe osetini pe usamljeno.

• „Kobor god berš te ovel amen, ja bilo kaj te živina, sarine amen šaj te našala amari želja te ova avere manušencar“ (Čido Mpemba, čelnica andi Komisija andi SZO asi društveno povezanost).

Nane usamljena samo o phure ja okola so živinena kokri. Ađahar osetinena pe hem okola soj tane terne, saste, uspešna hem ko brako. I usamljenost šaj te utičini ko amaro sastipe hem ko amare osećanja.

• „I usamljenost nane samo jekh lošno osećaj ano amende, već diso pobuter“, phenela i dr Vivek Murti, američko sekretari aso zdravstvo. Oj pana phenela: „Kobor tano opasno aso sastipe ked jekh manuš pušini 15 cigare ko dive, odobor tani opasno hem i usamljenost“.

So phenela i Biblija?

Amaro Stvoritelj na mangela te ova kokri. O Devel oduvek manglja o manuša te uživinen ko šukar društvo.

• E biblijako savet: „O Devel phenđa: ’Nane šukar o manuš te ovel kokri‘ “ (Postanak 2:18).

O Devel mangela te ova paše oleja. Ov dela po lafi so ka ovel paše amencar ako amen trudinaja amen te ova paše oleja (Jakovljeva 4:8).

• E biblijako savet: „Bahtale tane okola soj tane svesna so valjani lenđe o Devel, sose tano olengo o nebesko Kraljevstvo“ (Matej 5:3).

O Devel mangela te služina lese avere manušencar. Ked ćeraja ađahar, osetinaja amen pobahtale.

• E biblijako savet: „Te razmislina jekh jekhestar, te šaj te podstaknina amen ko mangipe hem ko šukar delija, hem te na aćhava amare sastankija. . . nego te ohrabrina jekh jekhe“ (Jevrejima 10:24, 25).

Ako mangeja te đane pobuter sose tano važno te borine tut protiv i usamljenost, čitin o članko „Usamljenost u svetu masovne komunikacije“.