I usamljenost – Sar šaj te borina amen?

• „Ekvaš odrasla manuša ki Amerika osetinena pe soj tane kokri. But olendar isi len maškaro 18 đi o 25 berš“ (Amari epidemija andi usamljenost hem izolacija: O savetija ando generalno hirurg andi Amerika kotar odova kobor tano šukar ked hijam povezime e manušencar, 2023.).

• „I Svetsko zdravstveno organizacija objavinđa so ka postojini nevi Komisija aso društveno povezivanje. O cilj andi odija Komisija ka ovel te mothovi so i usamljenost tani lošno aso amaro sastipe, te mothovi so o rešenje tano te ova povezime e manušencar hem te arakhi način te lečini pe i usamljenost“ (Svetsko zdravstveno organizacija, 15. novembar 2023.).

I Biblija dela amen savetija kola šaj te pomožinen amen te ova paše e manušencar.

E biblijake savetija kola šaj te pomožinen tut

Smanjin o aktivnostija kola cidena tut averendar. Na primer, o društvena mreže šaj te len amendar but vreme kova šaj te koristina te družina amen averencar hem te arakha šukar amalen.

• Biblijako savet: „O šukar amal uvek mothovi mangipe, hem ko phare dive phral ovela“ (Poslovice 17:17).

Dikh sar šaj te pomožine averenđe. Ked ćeraja šukaripe averenđe ka ova pana popaše amala, ama hem amen ka ova pana pobahtale.

• Biblijako savet: „Pobuter isi bahtalipe ked dela pe nego ked lela pe“ (Dela apostolska 20:35).

Arakh o savetija ko amaro sajt kola ka pomožinen tuće te arakhe šukar amalen, ama hem te ove šukar amal.