Ponedeljak, 18. avgust
Na sumnjinđa ni na našalđa pi vera ko e Devlese obećanja, nego i vera dinđa le snaga, hem proslavinđa e Devle (Rimlj. 4:20)
Jekh način sar o Jehova zorjaćeri amen tano prekalo starešine (Is. 32:1, 2). Odolese, ked hijan but zabrinuto, vaćer lenđe sar osetineja tut. Ako nudinena tuće pomoć, prihvatin odova olendar. Prekalo lende, o Jehova šaj te zorjaćeri tut. O obećanja kola isi amen ko Devleso Lafi šaj te den amen nada hem snaga bilo te ovel amen nada so ka živina ko nebo ja ki phuv (Rimlj. 4:3, 18, 19). Sebepi odija nada, amen šaj te istrajina ked isi amen kušnje, te propovedina i šukar vest hem te ćera amare zadatkija ki skupština (1. Sol. 1:3). Odija isto nada zorjaćerđa hem e Pavle. Podijekh puti hine ki „neizvesnost“, hine „progonimo“ hem o problemija „peravđe“ le. Čak oleso životi hine ki opasnost (2. Kor. 4:8-10). O Pavle hor razmislinđa andi pi nada hem odova dinđa le snaga te istrajini (2. Kor. 4:16-18). I nebesko nada odobor hine lese važno so hine spremno te istrajini ko bilo kova pharipe te šaj te dobini pi nagrada. Odolese so hor razmislinđa andi pi nebesko nada, ov šaj hine te „obnovini pe ando dive ko dive“ (w23.10 15-16 ¶14-17).
Utorak, 19. avgust
O Jehova ka del snaga pe narodose, o Jehova ka blagoslovini pe narodo ađahar so ka del len mir (Ps. 29:11)
Ked molineja tut, razmislin da li tano akana pravo vreme o Jehova te odgovorini ki ti molitva? Amen šaj mislinaja so o Jehova valjani odmah te odgovorini ko amare molitve. Ama, ov đanela ked tano pravo vreme te pomožini amen (Jevr. 4:16). Ked na dobinaja odmah o odgovor ko amare molitve, šaj te mislina so e Jehovaso odgovor tano: „Na“. Ama, oleso odgovor šaj te ovel: „Na pana“. Na primer, jekh phral molini e Jehova te saćari le. Ama nisar nane pošukar. Ako bi o Jehova saćari le, ađahar so bi ćerela disavo čudo, o Satana bi phenela so odova phral služini e Jehovase samo odolese so saćarđa le (Jov 1:9-11; 2:4). Ama, o Jehova već odredinđa o vreme ked ka cidel sa o nabormipa (Is. 33:24; Otkr. 21:3, 4). Đi tegani, amen našti te ađićera kotar Jehova te ćerel disavo čudo. Odolese, odova phral šaj te molini e Jehova te del le snaga hem mir te šaj te istrajini ko po nabormipe hem ponodri verno te služini lese (w23.11 24 ¶13).
Sreda, 20. avgust
Na postupini amencar premalo amare grehija, niti irini amenđe premalo amare greške (Ps. 103:10)
O Samson ćerđa ozbiljno greška, ama na odustajinđa. Ov rodinđa prilika te ispunini po zadatko, te borini pe protiv o Filistejcija (Sud. 16:28-30). Ov molinđa e Jehova: „Mukh man te osvetinav man e Filistejenđe.“ O Jehova odgovorinđa ki olesi molitva hem dinđa le but bari snaga. Sebepi odova, o Samson mudarđa pobuter Filistejcen tegani nego iked angleder. Iako o Samson hine le bare posledice sebepi pi greška, ov na ćhinavđa te ćerel e Jehovasi volja. Čak iako sebepi disavi greška dobinaja ozbiljno savet ja našalaja amare odgovornostija, amen na valjani te odustajina. Ma bistri so o Jehova tano spremno te oprostini amenđe (Ps. 103:8-10). Iako ćerđam disavi greška, pana šaj te ova korisna e Jehovase sar so hine o Samson (w23.09 6 ¶15-16).