I Biblija mothovi so o manuša na živinena but hem so amaro „životi tano pherdo pharipa“ (Jov 14:1). Ama, da li o Devel mangela te živina ađahar? Ako na, tegani sose ćerđa amen? Da li ka avel o vreme ked o Devel ka ispunini odova so kotar početko manglja e manušenđe? Hajde te dikha so i Biblija vaćeri odolestar.

1. Sar o Jehova mangela te živina?

O Jehova mangela te ovel amen najšukar životi. Ked ćerđa e Adame hem e Eva, ov ćhivđa len te živinen ko jekh but šužo than, ko edensko vrt. „Palo odova, o Devel blagoslovinđa len hem phenđa lenđe: ’Nek ovel tumen but ćhave hem tumendar nek oven but manuša, pheren i phuv hem vladinen upro late‘“ (Postanak 1:28). O Jehova manglja te ovel len ćhave, te ćeren i phuv te ovel raj hem te brininen pe ando životinje. Ov manglja o manuša te ovel len savršeno sastipe hem večno te živinen.

Iako avdije na živinaja ađahar,a odova so o Devel manglja e manušenđe na menjinđa pe (Isaija 46:10, 11). Ov mangela o manuša kola šunena le te živinen večno hem te ovel len najšukar životi. (Čitinen Otkrivenje 21:3, 4.)

2. Sar šaj već avdije te ova bahtale?

Ked ćerđa amen, o Jehova ćhivđa ano amende i želja te penđara le hem te služina olese. (Čitinen Matej 5:3-6.) Ov mangela te ova paše oleja hem te đa palo sa olese drumija, te manga le hem te služina lese celone vileja (Ponovljeni zakoni 10:12; Psalam 25:14). Ako odova ćeraja, amen ka ova bahtale, iako isi amen problemija. Ked služinaja e Jehovase, amen živinaja sar so o Jehova kotar početko manglja.

3. O Jehova mangela o manuša te oven bahtale

Dikhen o VIDEO, hem palo odova vaćeren ando akava pućibe:

VIDEO: Sose o Devel ćerđa i phuv? – insert (1:41)

• Sose o Devel ćerđa i phuv?

Čitinen Propovednik 3:11, hem palo odova vaćeren ando akava pućibe:

• So sikljiljan ando Jehova kotar akava stih?

4. Odova so o Jehova manglja te ćerel ko početko na menjinđa pe

Čitinen Psalam 37:11, 29 hem Isaija 55:11, hem palo odova vaćeren ando akava pućibe:

• Sar đanaja so na menjinđa pe odova so o Jehova manglja te ćerel ko početko?

5. Ked služinaja e Jehovase šaj te ova bahtale

VIDEO: Haljiljum sose živinaja (5:03)

• Sar amare phenjaće pomožinđa odova so haljilji sose živinaja?

Čitinen Propovednik 12:13, hem palo odova vaćeren ando akava pućibe:

• Sar šaj te mothova so hijam zahvalna e Jehovase aso sa odova so ćerđa amenđe?

SO SIKLJILJAM

O Jehova mangela večno te živina hem te ovel amen najšukar životi. Ako služinaja lese celone vileja, već avdije šaj te ova bahtale.

Te ponovina

• Sose o Jehova ćerđa e Adame hem e Eva?

• Sar đanaja so na menjinđa pe odova so o Jehova manglja te ćerel ko početko?

• Sar šaj ćaće te ova bahtale?

RODE POBUTER

Sar đanaja so o edensko vrt ćaće postojinđa?

„Da li o edensko vrt ćaće postojinđa?“ (Stražarska kula, 1. januar 2011)

Sikljov sose šaj te ova sigurna so i phuv niked na ka ovel uništimi.

„Da li i phuv ka ovel uništimi?“ (članko ko amaro sajt)

Dikh so i Biblija vaćeri odolestar sose živinaja.

„Sose živinaja?“ (članko ko amaro sajt)

Dikh sar jekh manuš kova mislinđa so isi le sa ko životi haljilo so ipak diso falini lese.

Akana haljovava sose živinava (3:55)

2. Ko vladini e Isuseja?

O Isus na vladini kokri. O manuša kotar „sa o plemenija, o ćhibja, o nacije hem o narodija. . . ka vladinen sar kraljija upri phuv“ (Otkrivenje 5:9, 10). Kobor manuša ka vladinen e Isuseja? Sar o Isus hine ki phuv pa sa đi avdije, milionija manuša ulje olese učenikija. Da li on sare ka vladinen oleja? Na! Samo 144 000 olendar ka đan ko nebo hem ka vladinen e Isuseja. (Čitinen Otkrivenje 14:1-4.) Sa avera manuša ka živinen ki phuv hem e Devleso Kraljevstvo ka vladini upro lende (Psalam 37:29).

E Devleso Kraljevstvo već vladini ko nebo. Pana hari, ka ćerel bare promene ki phuv. Hajde te dikha kola šukar buća ka oven ked odova Kraljevstvo ka vladini.

1. Sar e Devleso Kraljevstvo ka anel mir hem pravda ki phuv?

Ko Armagedon, o Isus sar Kralj ando Devleso Kraljevstvo, ka uništini e lošno manušen hem o manušikane vlastija (Otkrivenje 16:14, 16). Tegani ka ispunini pe odova so pisini ki Biblija: „Pana hari hem o lošna više na ka oven“ (Psalam 37:10). Prekalo odova Kraljevstvo, o Isus ka ćerel ki phuv te ovel mir hem pravda. (Čitinen Isaija 11:4.)

2. Savo ka ovel o životi ked sa o manuša ka šunen e Devle?

Ked e Devleso Kraljevstvo ka vladini „o pravednikija ka nasledinen i phuv hem zauvek ka živinen upro late“ (Psalam 37:29). Zamislin sar ka ovel ked ka živine ko sveto kuri sa o manuša tane pravedna, mangena e Jehova hem jekh jekhe. Nijekh na ka ovel nabormo hem sare zauvek ka živinen.

3. So e Devleso Kraljevstvo ka ćerel palo odova so o lošna ka oven uništime?

Palo odova so o lošna ka oven uništime, o Isus ka vladini 1 000 berš. Tegani, o Isus hem o 144 000 kola ka vladinen oleja, ka pomožinen e manušenđe te oven savršena. Đi o krajo ando odova period, celo phuv ka ovel raj hem sa o manuša ka oven bahtale sose šunena e Jehovase zakonija. Palo odova, o Isus ka irini o Kraljevstvo pe Dadese, e Jehovase. Ađahar, e Jehovaso anav ka ovel posvetimo (Matej 6:9, 10). Tegani ka mothovi pe so o Jehova tano šukar vladari kova brinini pe ando pe sluge. Ov ka uništini e Benge, e demonen hem sa okolen kola ka ušten protiv oleste (Otkrivenje 20:7-10). O šukaripe kova ka anel e Devleso Kraljevstvo ka trajini zauvek.

SIKLJOV POBUTER

4. E Devleso Kraljevstvo ka uništini o manušikane vlastija

„Ked o manuš vladini upro manuš odova anela samo lošnipe“ (Propovednik 8:9). Prekalo po Kraljevstvo, o Jehova ka cidel sa o lošnipa kola ulje sebepi so o manuša vladinena.

Čitinen Danilo 2:44 hem 2. Solunjanima 1:6-8, hem palo odova vaćeren ando akala pućiba:

• So o Jehova hem o Isus ka ćeren e manušencar kola tane ki vlast hem okolencar so podržinena len?

• Sar odova so sikljiljan ando Jehova hem ando Isus uverini tut so on ka postupinen pravedno?

5. O Isus tano najšukar Kralj

Sar Kralj ando Devleso Kraljevstvo, o Isus ka pomožini e manušenđe ko but načinija. Dikhen o VIDEO kova mothovi so o Isus mangela te pomožini e manušenđe hem so o Jehova dinđa le moć te ćerel odova.

VIDEO: O Isus mothovđa so ka ćerel o Kraljevstvo (1:13)

Ked hine ki phuv, o Isus mothovđa so ka ćerel odova Kraljevstvo. Kola ando akala blagoslovija jedva ađićereja? Čitinen o stihija kola vaćerena pobuter ando odola blagoslovija.

6. E Devleso Kraljevstvo ka anel amenđe but šužo životi

VIDEO: Dikh savo šužo životi ađićeri amen (4:38)

Čitinen Psalam 145:16, hem palo odova vaćeren ando akava pućibe:

• Sar osetineja tut ked đaneja so o Jehova sa e manušenđe ka del odova so mangena?

SO SIKLJILJAM

E Devleso Kraljevstvo ka ćerel odova so o Devel mangela. Ka ćerel celo phuv te ovel raj kuri o manuša ka oven bahtale hem zauvek ka služinen e Jehovase.

Te ponovina

• Sar e Devleso Kraljevstvo ka posvetini e Jehovaso anav?

• Sose šaj te verujina so e Devleso Kraljevstvo ka ćerel odova so pisini ki Biblija?

• So jedva ađićereja te ćerel e Devleso Kraljevstvo?

RODE POBUTER

Sikljov soj tano o Armagedon.

„Soj tano o Armagedon?“ (članko ko amaro sajt)

Čitin kola događaja ka oven ki „bari nevolja“ (Matej 24:21).

„Soj tani i bari nevolja?“ (članko ko amaro sajt)

Dikh sar disave porodice razmislinena so ka ćeren ko raj.

Da li dikheja tut ko raj? (1:50)

Čitin o iskustvo „Hine man but pućiba“ hem sikljov sar jekh manuš haljilo ko ka rešini sa amare problemija.

„I Biblija pomožini e manušenđe te menjinen po životi“ (Stražarska kula, 1. januar 2012)