So mora te ćera te bi ugodinaja e Devlese?

Ma ćer odova soj tano lošno (1. Korinćanima 6:9, 10)

Ako mangaja e Jehova, na ka ćera o buća kola ov mrzini.

O Jehova na mangela te ćora, te maćova ja te drogirina amen.

O Devel mrzini o mudariba, o abortus hem i homoseksualnost. Ov na mangela te ova pohlepna, ni te mara amen averencar.

Na valjani te obožavina e idolen ja te praktikujina o spiritizam.

Ko raj so ka avel ki phuv, na ka ovel than aso manuša kola ćerena lošna buća.

Ćer odova soj tano šukar (Matej 7:12)

Ako mangaja te ugodina e Devlese, mora te trudina amen te ova sar oleste.

Mothov mangipe premalo avera ađahar so ka ove ljubazno hem velikodušno.

Ov pošteno.

Vaćer averenđe ando Jehova hem andi olesi namera (Isaija 43:10).

Ov milosrdno hem oprostin.