7. LEKCIJA

Tačna hem proverime informacije

Luka 1:3

SO TE ĆERE: Koristin o informacije kola tane tačna hem proverime te šaj o manuša ispravno te haljon odova sostar vaćereja.

Pazin kotar leja o informacije. Odova so vaćereja valjani te ovel ando Devleso Lafi hem ked god šaj čitin olestar. Ako vaćereja kotar disave naučna buća, disavi vest, iskustvo ja diso aver, uvek proverin da li odola informacije tane pouzdana hem da li pana važinena.
Koristin ispravno o informacije. Ked mangeja te objasnine disavo stih, le ko obzir celo kontekst hem da li odova složini pe odoleja so pisini ki Biblija andi odija tema hem ko publikacije ando „verno hem o razborito robo“ (Mat. 24:45). Ako koristineja o informacije kola nane andi Biblija, ma promin o smisao hem ma vaćer diso averćhane kotar odova so mislinđa o pisco.

Ma barjaćer o broja ja disave avera podatkija. Pazin „disave manuša“ te na oven „but manuša“, „podijekh puti“ te na ovel „uvek“ hem „šaj“ te na ovel „sigurno“.
Podstaknin e manušen te razmislinen ando dokazija kolendar vaćereja. Palo odova so ka čitine o stih ja so ka vaćere disavi informacija, pomožin e manušenđe kokri te haljon odova sostar vaćereja. Odova šaj te ćere ađahar so ka puće diso ja so ka koristine disavo primer.