4. LEKCIJA

Šukar uvod aso stihija

Matej 22:41-45

SO TE ĆERE: Angleder so ka čitine disavo stih, vaćer diso so ka podstaknini e manušen te šunen.

Razmislin sose čitineja odova stih. Angleder so ka čitine svako stih, vaćer diso so ka pomožini e manušenđe te haljon koja misao mangeja te naglasine.

Dikh o kontekst. Ako angleder so ka čitine o stih vaćereja ko pisinđa odija biblijaki knjiga ja ko vaćerđa odola lafija, tegani pazin odova te ovel tačno.
Uvek sikav andi Biblija. Ked vaćereja e manušencar kola verujinena ko Devel, vaćer lenđe soj tani i Biblija e Devleso Lafi. Ađahar ka mothove so oj avela ando Devel kova tano najmudro.
Vaćer diso so ka podstaknini e manušen te šunen o stih. Puć pućibe aso kova šaj te arakhi pe odgovor ko stih ja pomin jekh problemi aso kova o stih nudini rešenje. Isto ađahar, šaj te pomine jekh načelo kova ka haljol pe pojasno ked ka čitine e biblijako izveštaj.

Razmislin odolestar so o manuša već đanena andi odija tema hem ando stih. Čak ked valjani te čitine jekh penđarutno stih, nek ovel tut šukar uvod hem pomožin e manušenđe te sikljon disavo nevo detalji kotar odova stih.