20. LEKCIJA
Sar tani organizujimi i skupština?
O Jehova tano o Devel ando redo (1. Korinćanima 14:33). Odolese hem oleso narodo valjani te ovel organizujimo. Sar tani i skupština organizujimi? So valjani svako amendar te ćerel te šaj ki skupština te ovel redo?
1. Koj tano o poglavari andi skupština?
„O Hrist tano poglavari e skupštinaće“ (Efešanima 5:23). Kotar nebo, o Isus dikhela so ćerela e Jehovaso narodo ki phuv. Ov ćhivđa „e verno hem e razborito robe“ – jekh tikni grupa ando iskusna starešine, koja tani penđardi hem sar Vodeće telo. (Čitinen Matej 24:45-47.) O Vodeće telo dela smernice e skupštinenđe ko celo sveto, sar so ko prvo veko odova ćerđe o apostolija hem o starešine ko Jerusalim (Dela apostolska 15:2). Ama, akala manuša nane vođe ki amari organizacija. On čitinena e Devleso Lafi te šaj te haljon so o Jehova mangela on te ćeren hem šunena e Isuse.
2. Koj tane o starešine hem so on ćerena ki skupština?
O starešine tane iskusna hrišćanija kola sikavena averen ando Devleso Lafi hem brininena pe ando Devlese sluge ađahar so pomožinena len hem zorjaćerena len. On na dobinena pare aso odova so ćerena. Odova ćerena „sose mangena. . . na sebepi i korist nego celone vileja“ (1. Petrova 5:1, 2). O sluge pomoćnikija pomožinena e starešinenđe ki skupština. Sar đala o vreme, hem o sluge pomoćnikija šaj te služinen sar starešine.
O Vodeće telo ćhivela disave starešinen te služinen sar pokrajinska nadglednikija. On posetinena nekobor skupštine, dena len smernice hem ohrabrinena len. Ked valjani te odlučinen da li jekh phral šaj te služini sar starešina ja sluga pomoćnik, on koristinena e Devleso Lafi (1. Timoteju 3:1-10, 12; Titu 1:5-9).
3. So svako amendar valjani te ćerel ki skupština?
Svako amendar valjani „te hvalini e Jehovaso anav“ ađahar so ka učestvujini ko amare sastankija hem so ka propovedini i šukar vest kobor šaj. (Čitinen Psalam 148:12, 13.)
SIKLJOV POBUTER
Sikljov savo vođa tano o Isus, sar šaj o starešine te oven sar oleste hem sar šaj te šuna e Isuse hem te sarađujina e starešinencar.
4. O Isus tano šukar vođa
Ando Isus dobinđam jekh šužo poziv. Čitinen Matej 11:28-30, hem palo odova vaćeren ando akava pućibe:
Savo vođa tano o Isus hem sar ov mangela te osetina amen?
Sar o starešine trudinena pe te oven sar o Isus? Dikhen o VIDEO.
I Biblija mothovi sar o starešine valjani te ćeren pi buti.
Čitinen Isaija 32:2 hem 1. Petrova 5:1-3, hem palo odova vaćeren ando akala pućiba:
Sar osetineja tut ked đaneja so o starešine, sar o Isus, mangena te ohrabrinen averen?
Sar o starešine pana oponašinena e Isuse?
5. O starešine mothovena šukar primer averenđe
Sar o Isus mangela o starešine te dikhen ko odova so ćerena? Dikhen o VIDEO.
O Isus vaćerđa save manuša valjani te oven okola kola predvodinena ki skupština. Čitinen Matej 23:8-12, hem palo odova vaćeren ando akala pućiba:
Premalo Devleso Lafi, so valjani te ćerel jekh phral te šaj te služini sar starešina? So tu mislineja, da li o religiozna vođe ićerena pe ko odova so pisini ko Devleso Lafi?
1. O starešine dena sa pestar te šaj on hem olengi porodica te aćhon paše e Devleja
2. O starešine brininena pe sarinendar ki skupština
3. O starešine redovno propovedinena
4. O starešine sikavena averen. Isto ađahar, on čistinena i dvorana, ja ćerena disave avera buća
6. Valjani te podupirina e starešinen
I Biblija mothovi sose tano važno te podupirina e starešinen. Čitinen Jevrejima 13:17, hem palo odova vaćeren ando akala pućiba:
Sose i Biblija phenela so valjani te šuna e starešinen hem te ova lenđe podložna? So tu mislineja odolestar?
Čitinen Luka 16:10, hem palo odova vaćeren ando akava pućibe:
Sose tano važno uvek te šuna e starešinen čak hem ko disave buća kola dićhona amenđe so nane odobor važna?
AKO NEKO PHENELA: „Me šaj kokri te služinav e Devlese.“
Sose tano šukar te ova deo andi skupština?
SO SIKLJILJAM
O Isus tano poglavari e skupštinaće. O starešine tane podložna e Isusese, a amen podupirinaja len sose on ohrabrinena amen hem mothovena amenđe šukar primer.
Te ponovina
Koj tano o poglavari andi skupština?
Sar o starešine pomožinena e skupštinaće?
So svako amendar valjani te ćerel?
RODE POBUTER
Dikh sar o Vodeće telo hem avera starešine mothovena so brininena pe kotar pe phralja hem phenja.
Sikljov pobuter ando odova so ćerena o pokrajinska nadglednikija.
Čitin ando odova kova than o đuvlja isi len ki skupština.
„Da li ko Jehovase svedokija o đuvlja šaj te sikaven?“ (Stražarska kula, 1. septembar 2012)
Sikljov pobuter ando odova sar o starešine dena sa pestar te pomožinen averenđe.
„O starešine pomožinena amen radosno te služina e Devlese“ (Stražarska kula, 15. januar 2013)