Sar šaj polokho te pamtina o stihija?

Da li nekad hine tuće pharo te pamtine to omiljeno stih andi Biblija? Šaj baš odova stih but utešinđa tut hem pomožinđa tut te pobedine to pogrešno razmišljanje ili mangljan te podeline le nekasar (Ps. 119:11, 111). Akana ka dikha nekobor predlogija kola šaj te pomožinen tut te pamtine o stihija.

• Ki aplikacija JW Library^® koristin i opcija oznake. Ćer i oznaka „omiljena stihija“ hem odothe ćhiv sa o stihija kola mangeja te zapamtine.

• Ćhiv o stih negde kaj šaj te dikhe le. Disave ćhivena le ko ogledalo, a disave ko frižider. Nesave ćhivena le ki pozadina ando po kompjuter ili telefoni.

• Ćer kartice ando biblijake stihija. Ki jekh strana pisin kaj nalazini pe odova stih ki Biblija, a ki dujto strana pisin o lafija ando stih. Palo odova, dikh o stih hem pokušin te setine tut so pisini odothe ili dikh o lafija ando stih hem pokušin te setine kaj ov nalazini pe ki Biblija.