7 Ασουνέλα-αμέν ο Ντεβέλ;

ΑΝΤΑΓΙΑ ερώτηση κερέλα-αμέν τι μανγκάς σαρ σαρ τι σικλιάς ι απάντηση. Η Γραφή σικαβέλα ότι ο Ιεχωβά μπαγιά ασουνέλα ο προσευχές αντιβές. Ισί αμαρέ βαστέντε άμα κα ασουνέλ ή άμα να κα ασουνέλ αμαρέ προσευχές ο Ντεβέλ.

Ο Ιησούς να μπεϊντιντάς ιτς σο ο παπάζια λέσκε ντιβεσέντε προσευχίντιβενας πφιρνικανές. Οντουβά σο χάλας-λεν σάντε ανάγκη ισινέ τι σικαβέν κο γιαβερά ότι βον ισινέ πιστοί. Ο Ιησούς βακερντάς ότι “σάντε ανταβά κα ατσσόλας λένγκε”, δηλαδή ότι κα λένας σάντε οντουβά σο μανγκένας πο μπουτ σαριλένταρ​—ι προσοχή ι τζενένγκι—​αλλά όχι οντουβά σο χρειαζίντιβενας, τι ασουνέλ-λεν ο Ντεβέλ. (Ματθαίος 6:5) Αντικάς αντιβές-ντα, μπουτ τζενέ κερένα προσευχή για τι ακολουθίνεν οντουβά σο μανγκένα βον, ντα όχι οντουβά σο μανγκέλα ο Ντεβέλ. Αφού να ντένα σημασία κο αρχές κι Γραφιάκε σο ντικχλάμ, ο Ντεβέλ να ασουνέλα-λεν.

Σο κα βακεράς όμως τουμένγκε; Ασουνέλα ο Ντεβέλ τουμαρέ προσευχές; Η απάντηση να τθερέλα τι κερέλ ι τθεμέσαρ σο ισινέν, κατά τσσιπ σο κερένα λάφι ή κατά τρόπος σο τζουβντιόνα. Η Γραφή βακερέλα αμένγκε: «Ο Ντεβέλ να ξεχωρίνελα ι τζενέν, αλλά σαρέ κο τθεμά δεχτίνελα οντουλέν σο νταρένα λέσταρ ντα κερένα ο σωστός». (Πράξεις 10:​34, 35) Ντικχένα τουμαρό νεαυτός ανταλέ λαφίντε; Άμα νταρένα κατά Ντεβέλ, ανταβά μανγκέλα τι βακερέλ ότι σικαβένα μπαρό σεβασμός λέστε ντα νταρένα μα τι στεναχωρίνεν-λες. Άμα προσπαθίνενα τι αβέν δίκαιοι, κερένα ο πο λατσσό σο μπορίνενα για τι κερέν οντουβά σο ισί δίκαιος κι Ντεβλέσκε γιακχά ντα όχι οντουβά σο πακιάνα τουμέν ότι ισί δίκαιος ή ο τζενέ σο ισί πασέ τουμέντε. Μανγκένα μπαγιά τι ασουνέλ ο Ντεβέλ τουμαρέ προσευχές; Η Γραφή σικαβέλα σαρ μπορίνενα τι πετυχίνεν τουμαρό στόχος.a

Βέβαια, μπουτ τζενέ κα μανγκένας τι απαντίνελ ο Ντεβέλ λένγκε προσευχιέντε αντράλ από εκ θαύμας. Όμως, ατζέ-ντα κο πουρανέ μπρεσά σο βακερέλα η Γραφή, ο Ντεβέλ σπάνια κερέλας-λες ανταβά. Μπάζιμα νακχένας μπουτ μπρεσά κατά εκ θαύμας σο αβέλας-πες μέχρι κο γιαβέρ. Επίσης, η Γραφή σικαβέλα ότι ο μπρεσά σο αβένας θαύματα τσσινάντιλε κάνα μουλέ σαρέ ο απόστολοι. (1 Κορινθίους 13:​8⁠-10) Μήπως, λοιπόν, ανταβά μανγκέλα τι βακερέλ ότι Ντεβέλ να απαντίνελα κο προσευχές αντιβές; Όχι, απαντίνελα! Ντικχέν μερικές προσευχές σο απαντίνελα λέντε.

Ο Ντεβέλ ντέλα σοφία. Ο Ιεχωβά ισί Οντουβά σο λέσταρ αβέλα κάθε αληθινή σοφία. Ντέλα-λα αντράλ πι γκίσταρ ντα χωρίς τι σακιντίνελ, σαρέ οντουλέντε σο μανγκένα λέσταρ τι οδηγίνελ-λεν ντα σο προσπαθίνενα τι τζουβντιόν σαρ βακερέλα ανταγιά σοφία.​—Ιακώβου 1:5.

Αντράλ κατά άγιος πνεύμας σο ντέλα-αμέν ο Ντεβέλ, ντικχάσα μπουτ λατσσίματα. Ο άγιος πνεύμας ισί η ζορ ι Ντεβλέσκι. Να υπαρχίντιβελα πο μπαρί ζορ ανταλάταρ. Βοηθίνελα-αμέν τι νταϊντίνας κο δοκιμασίες. Ντέλα-αμέν ειρήνη κάνα ισινάν αναστατωμέ. Βοηθίνελα-αμέν τι μπαριαράς λατσσέ ντα σουκάρ ιδιότητες. (Γαλάτες 5:​22, 23) Ο Ιησούς βακερντάς πι μαθητένγκε ότι ο Ντεβέλ ντέλα ανταβά δώρος σαρέ πι γκίσαρ.​—Λουκάς 11:13.

Ο Ντεβέλ ντέλα γνώση οντουλέντε σο ρόντενα λέσκε σαρέ πουμαρέ γκίσαρ. (Πράξεις 17:​26, 27) Σαρό κο ντουνιάς, υπαρχίντιβενα τζενέ σο ρόντενα μπαγιά ι αλήθεια. Μανγκένα τι σικλιόν ι Ντεβλέσκε​—καβά ισί λέσκο ναβ, καβά ισί λέσκο σκοπός ι πφουβιάκε ντα ι τζενέσκε, ντα επίσης σαρ μπορίνενα τι πλησιάνεν-λες. (Ιακώβου 4:8) Ο Μάρτυρες ι Ιεχωβάσκε αρακχένα μπουτ φαρ ασακέ τζενέν ντα σικαβένα λένγκε χαράσαρ ο απαντήσεις σο ντέλα η Αγία Γραφή ανταλέ ερωτησιέντε.

Μήπως λιντέν ανταβά περιοδικός επειδή ρόντενα ι Ντεβλέσκε; Μπορεί τι τθερένα τουμαρέ βαστέντε λέσκι απάντηση κι προσευχή σο κερντέν.