Η Αγία Γραφή Ατσσιλί Παρόλο σο Γκιλέ Λάσαρ Κόντρα

Ο ΚΙΝΔΥΝΟΣ: Μπουτ παπάζια ντα πολιτικοί γκιλέ κόντρα οντουλέντζαρ σο βακερέλα η Γραφή. Μπουτ φαρ χρησιμοποιήνενας ι εξουσία σο τθερένας ντα να μουκχένας ι τζενέν τι τθερέν ι Γραφή, τι νικαβέν-λα ή τι μεταφράνεν-λα. Ντικχέν ντούι παραδείγματα:

• Περίπου κο 167 Π.Κ.Χ.: Ο Βασιλιάς Αντίοχος ο Επιφανής, σο αστάρντιβελας κατά Σέλευκος, προσπαθιντάς τι κερέλ ι Ιουδαιόν τι πακιάν ζορίσαρ κι ελληνική θρησκεία ντα ντινάς εντολή τι καταστραφίνεν σαρέ ο αντίγραφα κατά Εβραϊκές Γραφές. Ο αξιωματικοί λέσκε «τσσινένας ντα πφαμπαρένας ο ρόλους σο τθερένας ο Νόμος κατέ-ντα τι αρακχένας-λεν», γραφιντάς ο ιστορικός Χάινριχ Γκρετς, «ντα μουνταρένας ι τζενέν σο ρόντενας τι αρακχέν ζορ ντα παρηγοριά κατά ρόλους».

• Μεσαίωνας: Μερικά παπάζια κατά Καθολική Κχανγκιρί χολιασάλε ι τζενέντζαρ σο σικλιαρένας οντουλά σο ισί κι Γραφή ντα όχι ανταλά σο βακερέλα η Καθολική Κχανγκιρί. Οτθάρ, ο παπάζια βακερένας ότι σαρέ οντουλά σο τθερένας εκ βιβλίος κατά Γραφή, εκτός κατά Ψαλμοί, τζάνας κόντρα κι Καθολική Κχανγκιρί. Ντα εκ συνάντηση ι παπαζίντζαρ σο νικαντάς ανταγιά απόφαση, τσσουντάς πιρέ τζενέν «τι ρόντεν μπουτ λατσσές . . . σαρέ κο κχερά ντα κο υπόγεια τι αρακχέν οντουλέν σο κατηγορίντιβενας ότι τζάνας κόντρα κι Καθολική Κχανγκιρί. . . . Ντα ο κχερά λένγκε έπρεπε τι καταστραφίντιβεν».

Αν ο ντουσμάνια ι Γραφιάκε κα πετυχίνενας τι καταστραφίνεν ι Γραφή, λάκε λάφια να κα υπαρχίντιβενας αντιβές.

ΣΑΡ ΑΤΣΣΙΛΙ Η ΓΡΑΦΗ: Ο Βασιλιάς Αντίοχος τθερέλας πι γκοντί κο Ισραήλ, ο Ιουδαίοι όμως τζουβντιόνας μπουτέ γιαβερέ τθανέντε. Επίσης, μερικά σπουδαγμέ τζενέ βακερένα ότι, κο πρώτος αιώνας Κ.Χ., κο 100 Ιουδαίοι πο μπουτ κατά 60 να μπεσένας κο Ισραήλ. Ο Ιουδαίοι τθερένας κο συναγωγές αντίγραφα ι Γραφιάκε​—ίδια οντουλέντζαρ σο χρησιμοποιηντέ πο σοράν ο τσσαβέ λένγκε ντα ο Χριστιανοί.​—Πράξεις 15:21.

Κο Μεσαίωνας, οντουλά σο μανγκένας ι Γραφή να νταρασάλε κατά διωγμός ντα συνεχιντέ τι μεταφράνεν ι Γραφή ντα τι κερέν αντίγραφα λάκε. Ατζέ-ντα πριν τι αρακχέν ο τζενέ ο τρόπος τι τυπώνεν με στοιχεία σο αλλάνενα, περίπου κο 1.450 Κ.Χ., κομμάτια ι Γραφιάκε μπέκιμ τι υπαρχίντιβενας 33 τσσιμπέντε. Οτθάρ μπερί, η Γραφή μεταφράντιβελας ντα τυπώντιβελας πο μπουτ ντα πο σουγκό.

Ο ΑΠΟΤΕΛΕΣΜΑΣ: Η Αγία Γραφή ισί ο πο γνωστός βιβλίος κο ντουνιάς ντα μεταφράντιβελα πο μπουτ τσσιμπέντε σαρέ κατά γιαβερά βιβλία, παρόλο σο ζουρανέ βασιλιάδες ντα παπάζια σο να μανγκένας ι αλήθεια τσσουντέ-λα σε κίνδυνος. Η Αγία Γραφή επηρεαντάς ο νόμους ντα ο τσσιμπά μερικέ τθεμέντε, εμ ο τρόπος σο τζουβντιόνα εκατομμύρια τζενέ.