Σόσκε Ατσσιλί η Αγία Γραφή

Η Γραφή ατσσιλί. Αντικάς, τουμέν-ντα αντιβές μπορίνενα τι λεν-λα ντα τι διαβάνεν-λα. Ντα κάνα τραμπίνενα εκ λατσσί μετάφραση ι Γραφιάκι, μπορίνενα τι αβέν σίγουροι ότι διαβάνενα εκ λατσσό αντίγραφος κατά πρώτα κείμενα.a Αλλά σόσκε ατσσιλί η ­Γραφή παρόλο σο νακχλέ αζόμ μπουτ μπρεσά, παρόλο σο γκιλέ λάσαρ κόντρα ντα παρόλο σο προσπαθιντέ τι αλλάνεν ο λάφια λάκε; Σαρ νταϊντιντάς-λεν σαρέ ανταλά τροπόντζαρ σο μουκχένα-αμέν πουταρντέ μόσαρ; Σο σημαντικός πράγμας τθερέλα η Αγία Γραφή;

Μπουτ τζενέ σο διαβάνενα ι Γραφή αγαντέ ο ίδιος πράγμας σο αγαντάς ο απόστολος Παύλος, σο γραφιντάς: «Ο άγιος πνεύμας ι Ντεβλέσκο βοηθιντάς τι γραφίντιβελ σαρί η Γραφή». (2 Τιμόθεο 3:16) Πακιάνα ότι η Γραφή ατσσιλί επειδή ισί ο μοναδικός Λάφι ι Ντεβλέσκο ντα επειδή ο Ντεβέλ αρακχαντάς-λα μέχρι αντιβές. Ο Φάιζαλ, σο διαβαντάμ λέσκε κο πρώτος θέμας, αποφασιντάς τελικά τι διαβάνελ ι Γραφή ντα τι ρόντελ βοβ προσωπικά άμα ανταλά ισί μπαγιά. Οντουλά σο αρακχλάς κερντέ λέσκε μπαρί εντύπωση. Σουγκό, σικλιλό ότι μπουτ ανταλένταρ σο σικλιαρέλα ο Χριστιανικός ντουνιάς να υπαρχίντιβενα κι Αγία Γραφή. Ντα συγκινισάλο μπουτ κάνα σικλιλό ο σκοπός σο τθερέλα ο Ντεβέλ ι πφουβιάκε.

«Ακανά ισινόμ σίγουρος ότι η Γραφή σο τθεράβα μι βαστέντε ισί δώρος κατά Ντεβέλ», βακερέλα ο Φάιζαλ. «Επίσης, άμα ο Ντεβέλ μπορισάλο τι κερέλ ο σύμπαν, να κα τθερέλας ι ζορ τι ντελ-αμέν εκ βιβλίος ντα τι αρακχαβέλ-λες μάξους αμένγκε; Άμα κα βακεράβας κάτι γιαβέρ, κα αβέλας σαρ τι τσσουβάβας όρια κι ζορ κι Ντεβλέσκι. Κα τσσουβάβας όρια κι ζορ σο τθερέλα ο πο Ζουρανό. Ντα κον ισινόμ με για τι κεράβ κάτι ασακό;»​—Ησαΐας 40:8.